Jueces 11:10 - Q'eqchi Bible

¹⁰ Ke'xye li xcheekelaleb' Galahad: “Li Qaawa' a'anaq testiiw sa' qayanq. Rahilal chaalel sa' qab'een wi ink'a' taaqab'aanu chixjunil li xaye!”, chankeb'.

Li Santil hu

¹⁰ Eb aꞌan queꞌchakꞌoc ut queꞌxye re: —Li Ka̱cuaꞌ nanaꞌoc re nak takaba̱nu li cꞌaꞌru nacacuaj, chanqueb.

Jueces 11:10 ပူးပေါင်းရင်းမြစ်များ

Jeremías 42:5

Toja' naq eb' a'an ke'xye re laj Jeremías: “Li Qaawa' laaYos a'an tiik xch'ool, ut a'an chikanaaq cho'q testiiw chiqix laa'o wi ink'a' tqapaab' li tixk'e chiqab'aanu.

Génesis 31:50

Wi laa'at taarahob'tesiheb' linrab'in, wi taak'am jalaneb' chik ixq chirixeb' a'in, us ta maajun yooq chi qilb'al, a' taxaq li Yos chiyehoq li yaal chiqix qakab'ichal”.

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Génesis 16:5

Toja' naq lix Saray kixye re laj Abrán: “Aamaak laa'at naq yookin chi xk'ulb'al li rahilal a'in. Laa'in xinq'axtesi aawe lix Agar; ab'an, naq a'an xk'e reetal naq wank chik sa' yu'am, maak'a' chik nin'ok wi' re. Li Qaawa' chiraqoq aatin sa' qab'een chi qakab'ichal”.

2 Corintios 11:31

Naxnaw li Yos, li xYuwa' li Qaawa' Jesus (usilaatinanb'ilaq taxaq chi junelik), naq ink'a' nintik'ti'ik.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

1 Samuel 24:12

A' taxaq li Qaawa' chiraqoq aatin sa' qayanq ut chi'eeqajunq aawe inb'aan; ab'an laa'in maajaruj tintaqsi wuq' sa' aab'een.

1 Samuel 12:5

“Ch'olch'o chiru li Qaawa' ut chiru li awab'ej sik'b'il ru xb'aan, naq maajun linmaak xetaw laa'ex sa' li kutan a'in”, chan laj Samuel. Ut eb' a'an ke'xye: “Ch'olch'o ru”.

Deuteronomio 1:16

Jo'kan ajwi' kinye li aatin a'in reheb' laj raqol aatin: «Teerab'i li k'aru neke'xk'ul leeras eeriitz'in ut texraqoq aatin sa' tiikilal sa' xyanq junaq winq ut li ras riitz'in malaj junaq jalan xtenamit.

Éxodo 20:7

“Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Génesis 21:23

Jo'kan b'i', arin ajwi' ye laawaatin sa' xk'ab'a' li Yos naq ink'a' tinaab'alaq'i, chi moko taab'alaq'iheb' li walal ink'ajol, chi moko eb' li wi inmam: jo' naq xinb'aanu usilal aawe, jo'kan ajwi' taab'aanu we ut re li tenamit li xatqak'ul wi' jo' tz'aqal qula'”.

Romanos 1:9

Naxnaw li Yos, li ninloq'oni chi anchal li waanm rik'in xpuktesinkil li xChaab'il Esil li Ralal, naq ink'a' ninkanab' eepatz'b'al sa' lintij.

Jueces 11:9

“Us, maak'a' naxye -chan laj Jefté-. Wi teeraj naq tinsutq'iiq chaq chi yalok rik'ineb' laj Amón ut li Qaawa' tixq'axtesiheb' sa' wuq', laa'inaq laj jolominel eere”.

Miqueas 1:2

Chejunilex li tenamit, ab'ihomaq li aatin a'in; chex'ab'inq chejunilex li wankex sa' li ruuchich'och'. Li Qaawa' taa'aatinaq chirix leemaak toj sa' chaq li xsantil ochoch.