Jueces 10:6 - Q'eqchi Bible

⁶ Ab'anan eb' laj Israel ke'ok wi' chik chi xb'aanunkil li ink'a' nawulak chiru li Qaawa': ke'xloq'oniheb' laj Bahal ut eb' lix Astarté, jo' ajwi' li xyoseb' laj Aram ut Sidón, li xyoseb' laj Mohab, li reheb' laj Amón ut reheb' laj Filistea. Ke'xtz'eqtaana li Qaawa' ut ink'a' chik ke'k'anjelak chiru.

Li Santil hu

⁶ Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ Dios. Queꞌxlokꞌoniheb li yi̱banbil dios Baal ut Astarot. Ut queꞌxlokꞌoniheb ajcuiꞌ lix dioseb laj Siria, ut lix dioseb laj Sidón, joꞌ ajcuiꞌ lix dioseb laj Moab. Ut queꞌxlokꞌoniheb lix dioseb laj Amón ut eb laj filisteo. Eb laj Israel queꞌxtzꞌekta̱na li Ka̱cuaꞌ Dios ut incꞌaꞌ chic queꞌcꞌanjelac chiru.

Jueces 10:6 ပူးပေါင်းရင်းမြစ်များ

2 Reyes 23:13

Li awab'ej kixmux ajwi' eb' li tijob'aal li wankeb' chi tzuul chiru Jerusalén, sa' xjayal rokeb'l iq' re li tzuul Oliiw, li ke'yiib'aak xb'aan laj Salomón, awab'ej re Israel, sa' xk'ab'a' lix Astarté, xyoseb' laj Sidón, sa' xk'ab'a' laj Kemós, xyoseb' laj Mohab, ut sa' xk'ab'a' laj Milkón, xyoseb' laj Amón.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

1 Reyes 11:5

Laj Salomón kixloq'oni ru lix Astarté, xyoseb' laj Sidón, ut kixloq'oni ajwi' ru laj Milkón, xtz'eqb'eetalil yos eb' laj Amón.

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Salmos 106:36

Ke'ok chi xloq'oninkil li jalanil yos, ut a'an kikanaak cho'q ra'al cho'q reheb' laj Israel.

2 Reyes 17:16

Ke'xkanab' xpaab'ankil chixjunil li xchaq'rab' li Qaawa' li xYoseb' ut ke'xha'lesi li q'anch'iich' re xyiib'ankil li xyoseb', eb' li wiib' xjalam uheb' li wakax jo' ajwi' li xjalam u lix Aserá. Ke'xwiq'ib' rib' chi xloq'oninkil ru eb' li chahim chiru choxa ut ke'mayejak chiru laj Bahal.

Jueces 16:23

Naq ke'xch'utub' rib' chi ninq'ehik li xjolomileb' laj Filistea ut ke'ok chi xyeechi'inkil jun xnimla mayejeb' chiru laj Dagón li xyoseb', ke'xye: “Li qayos xq'axtesi sa' quq' laj Sansón li xik' na'ilok qe”, chankeb'.

2 Crónicas 28:23

Kimayejak chiruheb' li xyoseb' laj Damaask, xb'aan kixye sa' xch'ool: “Li xyoseb' li awab'ej re Aram neke'xtenq'aheb'. Jo'kan naq tinmayejaq chiruheb' re naq tine'xtenq'a ajwi' laa'in”, chan sa' xch'ool. A'aneb' li ke'sachok xwankil laj Ajás jo' ajwi' xwankil chixjunileb' laj Israel.

1 Reyes 16:31

Ink'a' kitz'aqlok re xb'aanunkil li xmaakeb' laj Jerobohán, ralal laj Nebat; kixk'am aj b'an wi' cho'q rixaqil lix Jesabel, xrab'in laj Itobahal, awab'ej re Sidón, ut ki'ok chi k'anjelak chiru li jalanil yos, Bahal xk'ab'a', ut kixloq'oni ru.

1 Samuel 5:2

Chirix chik a'an ke'roksi sa' rochoch laj Dagón ut ke'xk'e chi xk'atq li yos a'an.

Jueces 13:1

Eb' laj Israel ke'xb'aanu wi' chik li k'aru ink'a' nawulak chiru li Qaawa', ut li Qaawa' kixq'axtesiheb' sa' ruq'eb' laj Filistea chiru ka'k'aal chihab'.

Jueces 6:1

Eb' laj Israel ke'ok wi' chik chi xb'aanunkil li ink'a' nawulak chiru li Qaawa'; jo'kan naq li Qaawa' kixq'axtesiheb' sa' ruq'eb' laj Madián chiru wuqub' chihab'.

Jueces 4:1

Naq kikamk laj Ehud, eb' laj Israel ke'ok wi' chik chi xb'aanunkil li ink'a' nawulak chiru li Qaawa';

Jueces 3:7

Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Josué 13:31

jo' ajwi' li xyiijachil Galahad, Astarot ut Edreí, xtenamitul li x'awab'ejihom laj Og, awab'ej re Basán. Chixjunil a'in reechanihom li xyiijachil li xk'ihaleb' laj Makir, ralal xk'ajol laj Manasés, chi ch'uutal.

Jueces 10:5

Naq kikamk laj Yaír, kimuqe'k aran Kamón.

Jueces 11:24

Ma ink'a' tab'i' ak wank aawe chixjunil li ch'och' li kixsi aawe laj Kamós laayos? Jo'kan ajwi' laa'o. Chixjunil li kixsi qe li Qaawa' li qaYos chi qeechani, a'an qe laa'o.

Isaías 23:4

Chatxutaanaq, a Sidón, li kawub'resinb'il tenamit chire li palaw, xb'aan naq taawulaq xq'ehil naq taaye chi jo'ka'in: “Ink'a' chik wankin sa' yu'am, maajun chik ink'uula'al xwank; ink'a' chik ninch'oolanink teelom al chi moko nink'iiresink ixqa'al”.

Ezequiel 27:16

Sa' xk'ab'a' laak'iila k'ay eb' laj Edom neke'loq'ok aawik'in ut neke'tojok rik'in lemtz'il q'ol, kaqinoq', kuxpo'ot, chaab'il liin, kaqiq'ol ut lemtz'il pek.

Deuteronomio 13:6

“Wi laawas aawiitz'in, li ralal laana' laayuwa', laawalal malaj ut laarab'in, laaraarookil ixaqil malaj ut laawamiiw li chanchan tz'aqal aawaanm, taaraj aab'alaq'inkil chi muqmu rik'in xyeeb'al aawe: «Yo'o, qaloq'oniiq ruheb' li jalanil yos», cha'aq, li ink'a' nakanaw ru laa'at chi moko eb' laana' ut laayuwa' xnawomeb' ru,

Deuteronomio 13:8

maapaab' chi moko chawab'i; maawil xtoq'ob'aal ru, maakuy xmaak chi moko taakol rix,

Jueces 8:33

Chirix li xkamik laj Jedehón eb' laj Israel ke'xmux wi' chik li xpaab'aaleb' rik'ineb' laj Bahal ut ke'xk'e laj Bahal-Berit cho'q xyoseb'.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.