Jueces 10:16 - Q'eqchi Bible

¹⁶ Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Li Santil hu

¹⁶ Ut queꞌrisi eb li jalanil dios saꞌ xya̱nkeb ut queꞌxlokꞌoni li Ka̱cuaꞌ. Ut li Dios quirahoꞌ xchꞌo̱l chirilbal li raylal li cuanqueb cuiꞌ.

Jueces 10:16 ပူးပေါင်းရင်းမြစ်များ

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Hebreos 3:10

Jo'kan naq kipo'k inch'ool sa' xb'een li tenamit a'an ut kinye: «Junelik sachsookeb' sa' li xyu'ameb', ink'a' ke'xtaw ru li waatin».

Efesios 4:32

Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.

San Lucas 19:41

Naq kinach'ok li Jesus rik'in Jerusalén ut kiril li tenamit, kiyaab'ak chirix ut kixye:

San Lucas 15:20

Ut kiwakliik, koho rik'in li xyuwa'. “Toj najt ajwi' wan chaq, naq li xyuwa' kiril ut kireek'a xnimal xrahom: koho sa' aanil, koxq'alu chi xkux ut kixtz'ub' ru.

Oseas 14:8

Ut laj Efraín tixye: «K'a' te'waj wi' laa'in eb' li yal k'oxlanb'il yos?». Laa'in nin'ilok ut ninkolok aawe; laa'in chanchanin jun toon chi saqichaj jwal raxrax ru. Laa'in nink'ehok aawe chi uuchink”.

2 Crónicas 33:15

Kirisiheb' sa' rochoch li Qaawa' eb' li jalanil yos, li jalam u ut chixjunileb' li artal kixyiib'eb' junxil sa' li tzuul wan wi' li rochoch li Yos ut sa' li tenamit Jerusalén, ut koxkuteb' toj chirix li tenamit.

2 Crónicas 15:8

Naq laj Asá kirab'i li aatin a'in yeeb'il xb'aan li propeet, q'axak kikawuuk xch'ool ut kixtaqla xjuk'inkil chixjunileb' li tz'i'b'eetalil jalam u wankatqeb' sa' xteepal Judá ut Benjamín, jo' ajwi' sa' chixjunileb' li tenamit kireechani sa' xtzuulul Efraín, ut kixk'ojob' wi' chik li x'artal li Qaawa' li wank chi xneb'aalil li rochoch li Yos.

2 Crónicas 7:14

ut wi lintenamit, li naxk'am link'ab'a', te'xkub'si rib', te'tijoq, tine'xsik' ut te'xkanab' li xyib'al ru xna'leb'eb', laa'in te'wab'i toj sa' choxa, tinkuy li xmaakeb' ut tink'ojob' wi' chik xch'ooleb'.

Josué 24:23

Kixye laj Josué: “Isihomaqeb' b'i' sa' eeyanq li jalanil yos ut k'ehomaq eech'ool rik'in li Qaawa', xYos laj Israel”.

Génesis 6:6

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool:

San Juan 11:34

—B'ar xek'e? chan. Ke'xsume ut ke'xye: —Qaawa', kim ut toxaawil.

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

1 Samuel 12:10

Toja' naq ke'tijok chiru li Qaawa' ut ke'xye: «Xoomaakob'k xb'aan naq xqatz'eqtaana li Qaawa' ut xqaloq'oniheb' laj Bahal ut eb' lix Astarté. Choohaakol taxaq, at Qaawa', chiruheb' li xik' neke'ilok qe, ut took'anjelaq chawu», chankeb'.

Salmos 73:21

Naq xraho'k sa' inch'ool ut xmayok sa' li waanm chi k'oxlak chiwix,

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

1 Samuel 7:4

Eb' laj Israel ke'xtz'eqtaanaheb' laj Bahal ut eb' lix Astarté, ut ka'ajwi' li Qaawa' ke'xloq'oni.

2 Reyes 13:23

Ab'an li Qaawa' kixtoq'ob'a ut kiruxtaana ruheb', kisutq'iik wi' chik rik'ineb' sa' xk'ab'a' li xsumwank rik'in laj Abrahán, laj Isahak ut laj Jakob, ut ink'a' kiraj xsachb'aleb' ru chi junajwa, chi moko kixtz'eqtaanaheb' chalen toj anaqwan.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.