Jueces 1:7 - Q'eqchi Bible

⁷ Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

Li Santil hu

⁷ Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

Jueces 1:7 ပူးပေါင်းရင်းမြစ်များ

1 Samuel 15:33

A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Romanos 2:15

Neke'xk'ut naq li k'aru yeeb'il xb'aan li Chaq'rab', a'an tz'iib'anb'il sa' xch'ooleb'. A' ajwi' li reek'ob'aal xch'ooleb' jo'wi' li xk'a'uxeb' nach'olob'ank re: wan naq a'an najitok reheb', wan naq a'an nakolok reheb'.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Éxodo 29:20

Naq akaq xakamsi, taaxok xkik'el ut rik'in a'an taayul chi rub'el xxik laj Aharón li wank sa' xnim; jo'kan ajwi' taab'aanu reheb' li ralal xk'ajol. Taayuleb' ajwi' li xna' li ru'uj ruq' ut li xna' ru'uj roq li wankeb' sa' xnimeb', ut taarachrachi chi kik' chixjunil xsutam li artal.

Jueces 1:6

Laj Adoni-Bések ki'elelik chiruheb', ab'anan kitaaqeek, koxe'xchap ut ke'xyok' li xna' ru'uj ruq'eb' ut li xna' ru'uj roqeb'.

Jueces 9:24

re naq eeqajunb'ilaq li xkamikeb' li lajeeb' xkaak'aal ralaleb' laj Yerubahal, ut laj Abimélek tixtoj rix li maak kixb'aanu rochb'eeneb' li xjolomileb' laj Sikem li ke'tenq'ank re.

Jueces 9:57

Ut li Yos kixk'eheb' ajwi' chi xtojb'al rix li xmaakeb' chixjunileb' laj Sikem. Chi jo'kan kitz'aqlok ru rik'ineb' li xmajewahom laj Jotán, ralal laj Yerubahal.

1 Reyes 21:19

Taawaatina chi kama'an: «Jo'ka'in xye li Qaawa': Laa'at xakamsi laj Nabot ut xamaq' li xch'och'. Jo'kan naq sa' li na'ajej xe'xreq' wi' li xkik'el laj Nabot eb' li tz'i', aran ajwi' te'xreq' laakik'el laa'at»”.

Sofonías 3:19

K'e reetal, sa' li kutan a'an tinsach ruheb' chixjunileb' li neke'rahob'tesink aawe. Tintenq'aheb' li karneer li yeq roqeb' ut tinxok chaq li sachenaq. Tinterq'usi leeloq'al ut leek'ab'a' sa' chixjunil li na'ajej b'arwi' xek'ul rahilal.