Jueces 1:30 - Q'eqchi Bible

³⁰ Eb' laj Sabulón ajwi' ink'a' ke'risiheb' laj Katat chi moko eb' laj Nahalal. Eb' laj Kanahán ke'kanaak sa' xyanqeb' laj Sabulón, ab'an ke'k'ehe'k chi xtojb'al rix li xna'ajeb'.

Li Santil hu

³⁰ Eb li ralal xcꞌajol laj Zabulón incꞌaꞌ queꞌrisiheb laj cananeo saꞌ eb li tenamit Quitrón ut Naalal. Queꞌcana ban chi cua̱nc aran. Abanan eb li ralal xcꞌajol laj Zabulón queꞌxpuersiheb chixtojbal rix lix naꞌajeb.

Jueces 1:30 ပူးပေါင်းရင်းမြစ်များ

Josué 19:15

Eb' laj Sabulón ke'xk'ul ajwi': Katat, Nahalal, Simrón, Iralá ut Belén. Kab'laju chi tenamit rochb'eeneb' xk'aleb'aaleb'.

Génesis 49:15

Us ta naxk'e reetal naq us li hilank ut chaab'il li ch'och', ab'anan naxyeechi'i rib' chi iiqank ut naxk'ul xch'ool li k'anjelak chi kaw.

Jueces 1:29

Eb' laj Efraín ajwi' ink'a' ke'risiheb' laj Kanahán li wankeb' Késer. Jo'kan naq eb' laj Kanahán toj ke'kanaak Késer, sa' xyanqeb' laj Israel.

Jueces 1:31

Eb' laj Aser ajwi' ink'a' ke'risiheb' laj Ako, chi moko eb' laj Sidón, eb' laj Majaleb, eb' laj Aksib, eb' laj Jelbá, eb' laj Afek ut eb' laj Rejob.