Jueces 1:28 - Q'eqchi Bible

²⁸ Ab'an naq laj Israel kinimank xwankil, kixk'eheb' laj Kanahán chi xtojb'al rix li xna'ajeb', us ta ink'a' kiruuk risinkileb' sa' li xch'och'eb'.

Li Santil hu

²⁸ Nak quicacuu xmetzꞌe̱uheb laj Israel, queꞌxpuersiheb laj cananeo chixtojbal rix lix naꞌajeb. Ut incꞌaꞌ queꞌrisiheb saꞌ li naꞌajej aꞌan.

Jueces 1:28 ပူးပေါင်းရင်းမြစ်များ

Jueces 1:27

Eb' laj Manasés ink'a' ke'ruuk reechaninkil Betsán ut eb' li xk'aleb'aal, Tanak ut eb' li xk'aleb'aal. Ink'a' ke'raanilasiheb' eb' laj Dor, eb' laj Iblehán, eb' laj Mejido jo' ajwi' li wankeb' sa' xk'aleb'aaleb'. Jo'kan naq eb' laj Kanahán toj ke'kanaak aran.

Jueces 1:29

Eb' laj Efraín ajwi' ink'a' ke'risiheb' laj Kanahán li wankeb' Késer. Jo'kan naq eb' laj Kanahán toj ke'kanaak Késer, sa' xyanqeb' laj Israel.

1 Reyes 9:21

naraj naxye, eb' li ralal xk'ajoleb' li ink'a' ke'choye'k xkamsinkil xb'aaneb' laj Israel, laj Salomón kixmineb' ru chi kawil k'anjelak, jo' yookeb' chi xk'ulb'al chalen toj anaqwan.

Proverbios 12:24

Li naxk'e xch'ool chi k'anjelak, taawanq xwankil; a'ut laj q'em k'ajo' naq te'numtaaq sa' xb'een.

Génesis 9:25

“Tz'eqtaananb'ilaq laj Kanahán! Chikanaaq cho'q aj k'anjel chiruheb' li ras!”, chan.

Génesis 9:26

Kixye ajwi': “Loq'oninb'il taxaq li Qaawa', li xYos laj Sem! Chikanaaq laj Kanahán cho'q aj k'anjel chiru a'an!

Deuteronomio 20:11

Wi eb' a'an te'xk'ulub'a li tuqtuukilal ut te'xte li okeb'aal chawu, chixjunileb' li poyanam wankeb' aran te'xk'e xtoj ut te'k'anjelaq chawu.

Josué 17:13

Ab'an naq ke'xkawu rib'eb' laj Israel, ke'xk'eheb' laj Kanahán sa' kawil k'anjel, us ta ink'a' ke'ruuk risinkileb' aran.

1 Samuel 14:24

Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.