Jueces 1:27 - Q'eqchi Bible

²⁷ Eb' laj Manasés ink'a' ke'ruuk reechaninkil Betsán ut eb' li xk'aleb'aal, Tanak ut eb' li xk'aleb'aal. Ink'a' ke'raanilasiheb' eb' laj Dor, eb' laj Iblehán, eb' laj Mejido jo' ajwi' li wankeb' sa' xk'aleb'aaleb'. Jo'kan naq eb' laj Kanahán toj ke'kanaak aran.

Li Santil hu

²⁷ Eb li ralal xcꞌajol laj Manasés incꞌaꞌ queꞌru risinquileb li cuanqueb saꞌ eb li tenamit Bet-seán ut Taanac, joꞌ ajcuiꞌ li tenamit Dor. Chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Ut incꞌaꞌ queꞌrisiheb saꞌ eb li tenamit Ibleam ut Meguido, chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Joꞌcan nak eb laj cananeo queꞌcana chi cua̱nc saꞌ li naꞌajej aꞌan.

Jueces 1:27 ပူးပေါင်းရင်းမြစ်များ

Jeremías 48:10

Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

1 Samuel 15:9

Ab'anan laj Saúl ut eb' laj puub' ink'a' ke'xkamsi laj Agag ut li xchaab'ilal eb' li xkarneer, chi moko li wakax ninqeb' xtib'el, eb' li xchib'aat ut li k'aru terto xtz'aq. Ink'a' ke'raj xq'axtesinkil chi oso'k. Ka'ajwi' li k'aru tz'eqtaananb'il ut maak'a' na'ok wi' ke'xq'axtesi chi sache'k.

Jueces 5:19

“Toja' naq eb' li awab'ej ke'wulak Tanak, chire li ha' re Mejido; eb' li awab'ej re Kanahán ke'wulak chi yalok, ab'an ink'a' ke'eechanink plaat chi moko b'ihomal.

Jueces 1:1

Chirix li xkamik laj Josué, eb' laj Israel ke'xpatz' re li Qaawa': “Ani qe laa'o xb'een taaxik chi yalok rik'ineb' laj Kanahán?”, chankeb'.

Josué 21:25

Sa' li xyiijachil xteepaleb' laj Manasés kik'ehe'k Tanak rochb'een xk'aleb'aaleb' ut Iblehán rochb'een xk'aleb'aaleb': wiib' tenamit kik'ehe'k reheb'.

Deuteronomio 7:2

naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Éxodo 23:32

“Maak'e aawib' sa' sum'aatin rik'ineb' li tenamit a'an chi moko rik'in li xyoseb'.

Jueces 1:26

Toja' naq li winq koho sa' xna'ajeb' laj Hit ut aran kixk'ojob' jun li tenamit, li kixk'e Lus cho'q xk'ab'a'. A'an li xk'ab'a' chalen toj anaqwan.

Jueces 1:28

Ab'an naq laj Israel kinimank xwankil, kixk'eheb' laj Kanahán chi xtojb'al rix li xna'ajeb', us ta ink'a' kiruuk risinkileb' sa' li xch'och'eb'.

2 Reyes 9:27

Naq laj Okosías, awab'ej re Judá, kiril li kik'ulmank, ki'elelik sa' xb'ehil Bet-Hagán. Ab'an laj Jehú kixchap raanil chirix ut kixye: “Kamsihomaq ajwi' a'an! Kutomaq chi simaj!”, chan. Ke'xkut ut ke'xtiq' sa' li xb'eleb'aal ch'iich' sa' li taqsink re Jur, nach' rik'in Iblehán. Ab'anan laj Okosías ki'elelik toj Mejido ut aran kikamk.

Jueces 1:21

Ab'anan eb' laj Benjamín ink'a' ke'ruuk risinkileb' laj Jebús li wankeb' chaq Jerusalén. Jo'kan naq chalen toj anaqwan eb' laj Jebús wankeb' Jerusalén rochb'eeneb' li ralal xk'ajol laj Benjamín.

1 Samuel 31:10

Ke'xk'e eb' li xk'anjelob'aal laj Saúl sa' rochoch lix Astarté ut ke'xt'uyub' li kamenaq sa' li xsuttz'akil Betsán.

1 Reyes 9:21

naraj naxye, eb' li ralal xk'ajoleb' li ink'a' ke'choye'k xkamsinkil xb'aaneb' laj Israel, laj Salomón kixmineb' ru chi kawil k'anjelak, jo' yookeb' chi xk'ulb'al chalen toj anaqwan.

2 Reyes 23:29

Sa'eb' li kutan a'an laj Parahón Nekó, awab'ej re Ejiipt, koho sa' xjayal li nima' Éwfrates re xtenq'ankil li awab'ej re Asiria. Toja' naq li awab'ej Josías koho chi yalok rik'in, ab'anan naq laj Nekó kiril a'an, tikto kixkamsi sa' li na'ajej Mejido.