Jueces 1:18 - Q'eqchi Bible

¹⁸ Eb' laj Judá ke'reechani Gasa ut li xsutam, Askalón ut li xsutam, Ekrón ut li xsutam.

Li Santil hu

¹⁸ Eb li ralal xcꞌajol laj Judá queꞌre̱chaniheb li tenamit Gaza, Ascalón ut Ecrón rochbeneb li naꞌajej li cuanqueb chi xjun sutam.

Jueces 1:18 ပူးပေါင်းရင်းမြစ်များ

Josué 11:22

Maajun aj Anak kikanaak sa' li xtenamiteb' laj Israel; ka'ajwi' aran Gasa, Gad ut Asdod ke'kanaak.

Jueces 3:3

Ke'kanaak li oob' chi xninqal ru winq aj Filistea, chixjunileb' laj Kanahán, eb' laj Sidón ut eb' laj Hit li wankeb' sa'eb' li tzuul re Líbano, chalen chaq sa' li tzuul Bahal-Hermón toj wan wi' li rokeb'aal Jamat.

1 Samuel 6:17

A'aneb' a'in li oob' chi saqijoj yiib'anb'ileb' rik'in oor li ke'yeechi'iik chiru li Qaawa' xb'aaneb' laj Filistea re xtojb'al rix li xmaakeb': jun sa' xk'ab'a'eb' laj Asdod, jun sa' xk'ab'a'eb' laj Gasa, jun sa' xk'ab'a'eb' laj Askalón, jun sa' xk'ab'a'eb' laj Gat ut li jun chik sa' xk'ab'a'eb' laj Ekrón.

Jueces 16:21

Toja' naq eb' laj Filistea ke'xchap, ke'risi xsa'eb' li ru ut ke'xk'am Gasa. Aran ke'xb'ak' rik'in kawil kareen ut ke'xtaqla xsurinkil li ke'leb' sa' tz'alam.

Josué 13:3

chalen chaq Sijor li wank chi xk'atq Ejiipt toj sa' xnub'ajl Ekrón, sa' xjayal releb'l iq'. Li ch'och' a'in nayeemank naq reheb' laj Kanahán, ut eb' li neke'taqlank sa' xb'eeneb' laj Filistea, a'aneb' li wankeb' aran Gasa, Asdod, Askalón, Gat ut Ekrón.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

1 Reyes 4:24

Xb'aan naq laj Salomón kiwank xwankil sa' xb'een chixjunil li ch'och' wan chaq junpak'al li nima' Éwfrates, chalen Tafsaj toj Gasa, ut sa' xb'eeneb' chixjunileb' li awab'ej li wankeb' chaq aran. Kiwank sa' tuqtuukilal rik'ineb' li wankeb' sa' xsutam.

Jeremías 47:5

Eb' laj Gasa te'xjo xjolomeb' xb'aan li rahilal ut mem te'kanaaq eb' laj Askalón. Ut laa'ex li rela' eb' li winq ninqeb' xteram, toj jo'q'e teekanab' xlet'exinkil ru leetib'el?

Deuteronomio 2:23

A'an ajwi' ke'xk'ul eb' laj Abí, li ke'wank sa'eb' li na'ajej re Gasa; a'atqeb' laj Kaftor li chalenaqeb' chaq Kaftor, ke'xsacheb' ru ut ke'kanaak sa' li xna'ajeb'.)

Josué 15:11

naxik sa' xjayal releb'l iq' re Ekrón, naxb'ach' rib' re xik Sikarón, nanume'k sa' li tzuul Bahalá ut nawulak toj Yabnel. Li nub'ajl nokoxraqe'q sa' li palaw.

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

Jeremías 25:20

Kink'e ajwi' reheb' chixjunil li k'iila paay chi poyanam wankeb' aran; kink'e reheb' chixjunil li awab'ej sa' xteepal Us, ut chixjunileb' li wankeb' sa' xsutam Filistea: sa' li tenamit Askalón, Gasa, Ekrón ut Asdod;