San Juan 9:39 - Q'eqchi Bible

³⁹ —Chi raqok aatin xinchalk sa' li ruuchich'och' a'in -chan li Jesus- re naq eb' li ink'a' neke'ilok che'iloq, ut eb' li neke'ilok che'mutz'irq.

Li Santil hu

³⁹ Li Jesús quixye re: —La̱in xinchal saꞌ ruchichꞌochꞌ chi rakoc a̱tin. La̱in tincutanobresi xnaꞌlebeb li incꞌaꞌ nequeꞌxtau xya̱lal. Ut tinmuk lix ya̱lal chiruheb li nequeꞌxcꞌoxla nak cuanqueb xnaꞌleb. Chanchan nak tinqꞌueheb chi iloc li incꞌaꞌ nequeꞌiloc. Ut tinqꞌueheb chi mutzꞌocꞌ li nequeꞌiloc, chan li Jesús.

San Juan 9:39 ပူးပေါင်းရင်းမြစ်များ

San Juan 3:19

Ut a'an a'in li raqb'a aatin: xk'ulunk li saqenk sa' ruuchich'och' ut eb' li winq a' chik li aak'ab' xe'xra chiru li saqenk, xb'aan naq ink'a' useb' li xb'aanuhom.

San Juan 12:46

Laa'in li saqenk ut xinchalk sa' ruuchich'och' re naq chixjunil li taapaab'anq we, ink'a' tkanaaq sa' li aak'ab'.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

1 Juan 2:11

A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

2 Corintios 2:16

cho'q reheb' li junch'ol laa'o xb'ook li kamk li nak'amok chaq li kamk, ut cho'q reheb' li junch'ol chik laa'o xb'ook li yu'am nak'ehok yu'am. Ut ani truuq tixb'aanu a'in?

San Juan 9:25

Kichaq'ok a'an ut kixye: —Wi a'an aj maak, ink'a' ninnaw laa'in. Jun ajwi' li ninnaw chi us: mutz'in naq xinwank ut anaqwan nin'ilok chik.

San Juan 8:15

Laa'ex nekexraqok aatin jo' naraj li tz'ejwalej; laa'in maa'ani sa' aj b'een ninraqok aatin.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

San Lucas 13:30

“Wan wankeb' chi ixb'ej: te'kanaaq chi uub'ej; ut wan wankeb' chi uub'ej: te'kanaaq chi ixb'ej”.

San Lucas 7:21

Sa' li honal a'an li Jesus kixk'irtasi naab'aleb' li yaj, li wankeb' sa' rahilal ut li wankeb' maa'us aj musiq'ej rik'in; kixk'e ajwi' chi ilok naab'aleb' li mutz'.

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

San Mateo 6:23

ab'an wi ink'a' chaab'il xsa' laawu, chixjunil laajunxaqalil taawanq sa' aak'ab'. Ut wi li saqenk li wank aawik'in a'an q'oqyink ru, k'ajo' xnimal li aak'ab'!

Isaías 44:18

Eb' li poyanam a'an, maak'a' neke'xnaw chi moko neke'xtaw ru. Tz'aptz'o xsa' ruheb' ut maak'a' neke'ril; maak'a' xna'leb'eb' ut ink'a' neke'xtaw ru.

Isaías 6:9

Toja' naq kixye we: “Ayu ut ye li aatin a'in reheb' li tenamit: «Rik'in leexik tex'ab'inq ut ink'a' teetaw ru; teek'e eech'ool chi ilok ut maak'a' teeril».

2 Ts 2:10

taachalq ajwi' rik'in chixjunil li maa'usilal re naq tixq'unb'esi xch'ooleb' li tento te'sachq xb'aan naq ink'a' ke'xk'ulub'a ut ink'a' ke'xra li yaal li kikolok raj reheb'.

Isaías 29:10

Xb'aan naq li Qaawa' xwartesi leena'leb', xtz'ap leeru ut leejolom, ex propeet ut aj ilol moy u.

Ezequiel 12:2

“At kaamel winq, wankat sa' xyanqeb' jun q'etq'etil tenamit: wank xsa' ruheb' ut ink'a' neke'ilok, wank xxikeb' ut ink'a' neke'ab'ink, xb'aan naq q'axal aj q'etoleb' aatin.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.