San Juan 8:6 - Q'eqchi Bible

⁶ Ke'xye a'in yal re xyalb'al rix, re xtawb'al k'aru te'xjit wi'. A'ut li Jesus kixk'utzub' rib' ut ki'ok chi tz'iib'ak sa' ch'och' rik'in ru'uj ruq'.

Li Santil hu

⁶ Queꞌxye re li Jesús chi joꞌcan yal re rilbal cꞌaꞌ na ru tixye xban nak yo̱queb chixsicꞌbal cꞌaꞌru teꞌxjit cuiꞌ. Aban li Jesús quixxulub rib ut qui-oc chi tzꞌi̱bac chiru chꞌochꞌ riqꞌuin ruꞌuj rukꞌ.

San Juan 8:6 ပူးပေါင်းရင်းမြစ်များ

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

San Lucas 10:25

Ak taaxaqliiq jun aj nahol Chaq'rab' re xyalb'al rix li Jesus, ut kixye: —At Tzolonel, k'aru tinb'aanu re naq tweechani li junelik yu'am?

San Mateo 19:3

Wankeb' aj Pariseey ke'jilok chi xk'atq yal re xyalb'al rix: —Ma truuq naq li winq tixkanab' li rixaqil yal rik'in k'a'aq re ru? chankeb' re.

Amós 5:10

Ra chaalel sa' eeb'een laa'ex xik' nekeril ani nakolok rix li tiikilal ut neketz'eqtaana li nayehok re li yaal.

Eclesiastés 3:7

Wank xq'ehil li q'ichok, ut wank xq'ehil li b'ojok. Wank xq'ehil li ch'anaak, ut wank xq'ehil li aatinak.

1 Corintios 10:9

Miqayal rix li Qaawa', jo' wan ke'b'aanunk sa' xyanqeb' a'an, ut ke'sache'k xb'aaneb' li k'anti'.

San Marcos 10:2

Wankeb' aj Pariseey ke'nach'ok rik'in ut ke'xpatz' re, yal re xyalb'al rix: —Ma truuq naq li winq tixkanab' li rixaqil? chankeb' re.

San Marcos 8:11

Ke'elk chaq eb' laj Pariseey ut ke'ok chi xwech'inkil li Jesus: ke'xpatz' re junaq eetalil taachalq sa' choxa, yal re xyalb'al rix.

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

San Mateo 22:35

ut jun reheb' a'an kixpatz' re yal re xyalb'al rix:

San Mateo 22:18

Ab'anan li Jesus ak naxnaw li xmaa'usilal li xch'ooleb'; jo'kan naq kixye: —Ex aj ka'pak'al u, k'a'ut naq nekeyal wix?

San Mateo 16:1

Eb' laj Pariseey ut eb' laj Saduseey ke'jilok chi xk'atq li Jesus yal re xyalb'al rix, ut ke'relaji ru naq chixk'ut junaq eetalil taachalq sa' choxa.

San Mateo 15:23

A'ut li Jesus ink'a' kixsume. Ut eb' li xtzolom ke'jilok chi xk'atq ut ke'relaji ru: —B'aanu usilal re, xb'aan naq japjo re chiqix, chankeb'.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Amós 5:13

Jo'kan naq ani wank xna'leb' ink'a' na'aatinak anaqwan, xb'aan naq moko chaab'ileb' ta li kutan a'in.

Daniel 5:5

Sa' ajwi' li honal a'an k'utaamil li ruq' jun li winq ki'ok chi tz'iib'ak chiru li xtz'akul li rochoch li awab'ej, tz'aqal chirix li xna'aj kanteel. Naq li awab'ej kiril li uq'ej yo chi tz'iib'ak,

Proverbios 26:17

Ani naxch'ik rib' sa' xraaxiik' jalan chik, a'an chanchan yo chi xchapb'al li xxik junaq tz'i'.

Números 14:22

tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Génesis 49:9

Laj Judá a'an ral li kaqkoj. Xatsutq'iik chaq aawochb'een laatzak, at walal: nakatunub' ut nakajilib' aawib' jo' junaq kaqkoj malaj ixqikaqkoj. Ani taak'ehoq re chi wakliik?

San Juan 8:2

Toj eq'la kiwulak wi' chik sa' rochoch li Yos, ut chixjunil li tenamit ke'wulak rik'in: kik'ojlaak ut ki'ok chi xtzolb'aleb'.

San Lucas 11:16

Wankeb' chik ke'raj raj rilb'al junaq eetalil taachalq sa' choxa, yal re xyalb'al rix.

San Marcos 12:15

Ab'anan li Jesus naxnaw naq aj ka'pak'al uheb', jo'kan naq kixye reheb': —K'a'ut naq nekeyal wix? K'amomaq chaq junaq tumin re naq twil.

Salmos 39:1

Re li xjolomileb' laj b'ichanel jo'wi' re laj Jedutún. Xsaalm laj David.

San Marcos 3:2

Ut yookeb' chi xk'eeb'al reetal ma tixk'irtasi tana sa' li sábado re naq te'ruuq xjitb'al.