San Juan 8:43 - Q'eqchi Bible

⁴³ K'a'ut naq ink'a' neketaw ru li waatinob'aal? Xb'aan naq ink'a' nekexruuk chi rab'inkil li waatin.

Li Santil hu

⁴³ ¿Cꞌaꞌut nak incꞌaꞌ nequetau ru li cꞌaꞌru ninye? Incꞌaꞌ nequecꞌul li cua̱tin xban nak incꞌaꞌ nequeraj rabinquil li cꞌaꞌru yo̱quin chixyebal.

San Juan 8:43 ပူးပေါင်းရင်းမြစ်များ

San Juan 5:43

Laa'in xinchalk sa' xk'ab'a' linYuwa', ut ink'a' nikineek'ul. Wi ani chik taachalq yal xtaql xch'ool, a'an teek'ul raj.

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

San Juan 6:60

Naq ke'rab'i a'in, naab'aleb' li xtzolom ke'xye: —Q'axal kaw li aatin a'in. Ani taakuyuq rab'inkil?

San Juan 8:27

Eb' a'an ink'a' ke'xtaw ru naq yo chi raatinankileb' chirix li Yuwa'b'ej.

Jeremías 6:10

Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Proverbios 28:5

Eb' li ink'a' useb' xna'leb' ink'a' neke'xtaw ru li tiikilal; ab'an li neke'xsik' li Qaawa', neke'xtaw ru chixjunil.

Isaías 44:18

Eb' li poyanam a'an, maak'a' neke'xnaw chi moko neke'xtaw ru. Tz'aptz'o xsa' ruheb' ut maak'a' neke'ril; maak'a' xna'leb'eb' ut ink'a' neke'xtaw ru.

Isaías 6:9

Toja' naq kixye we: “Ayu ut ye li aatin a'in reheb' li tenamit: «Rik'in leexik tex'ab'inq ut ink'a' teetaw ru; teek'e eech'ool chi ilok ut maak'a' teeril».

Miqueas 4:12

Ab'an eb' a'an ink'a' neke'xnaw li xk'a'uxl li Qaawa' chi moko neke'xtaw ru li k'aru naraj; ink'a' neke'xnaw naq A'an xch'utub'ank reheb' jo' na'uxk re li triiw sa' xq'ehil risinkil li rix.

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Romanos 3:11

Maa'ani wank xna'leb', junaq taxaq li nasik'ok re li Yos.

San Mateo 13:15

Xb'aan naq kawujenaq li xch'ool li tenamit a'in, jipeb' sa' xxik ut xe'xmutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».

San Juan 5:25

Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am.

San Juan 8:33

Ke'chaq'ok eb' a'an: —Laa'o ralal xk'ajolo laj Abrahán. Maajun wa eechaninb'ilo xb'aan anihaq. Chan put ru naq nakaye laa'at: «Toxexwanq chi ach'ab'anb'il»? chankeb' re.

San Juan 8:39

Ke'chaq'ok eb' a'an: —Li qayuwa' a'an laj Abrahán! chankeb'. Li Jesus kixye reheb': —Wi ralal xk'ajolex laj Abrahán, b'aanuhomaq li kixb'aanu laj Abrahán!