San Juan 8:37 - Q'eqchi Bible

³⁷ Ninnaw chi us naq ralal xk'ajolex laj Abrahán; ab'an nekeraj inkamsinkil xb'aan naq li waatin ink'a' naxtaw xna'aj sa' leech'ool.

Li Santil hu

³⁷ La̱in ninnau nak la̱ex xcomonex li ralal xcꞌajol laj Abraham. Abanan cuan saꞌ e̱ya̱nk li teꞌraj incamsinquil xban nak incꞌaꞌ nacuulac chiruheb li cꞌaꞌru yo̱quin chixyebal.

San Juan 8:37 ပူးပေါင်းရင်းမြစ်များ

1 Corintios 2:14

Li winq li maak'a' xMusiq' li Yos rik'in moko naxk'ulub'an ta li k'aru nachalk rik'in xMusiq' li Yos; memil na'leb' b'an cho'q re. Ut ink'a' naruhank chi xnawb'al a'an, xb'aan naq ka'ajwi' rik'in li Musiq'ej naru xtawb'al xyaalal.

Romanos 9:7

chi moko chixjunileb' li yo'lajenaqeb' sa' riyajil laj Abrahán a'aneb' tz'aqal ralal xk'ajoleb'. Kixye li Yos re laj Abrahán: “Sa' xk'ab'a' laj Isahak te'wanq aawalal aak'ajol li te'k'amoq re laak'ab'a'”.

San Juan 7:1

Chirix chik a'in li Jesus ki'ok chi b'eek Galilea, ut ink'a' naru taab'eeq Judea xb'aan naq eb' laj Judiiy yookeb' chi xsik'b'al chan raj ru te'xkamsi.

San Juan 8:59

Toja' naq ke'xxok xpek re xkutb'al li Jesus; ab'an a'an kixmuq rib' ut ki'elk sa' rochoch li Yos.

Hechos 13:26

“Ex was wiitz'in, ex ralal xk'ajol li yo'lajenaqeb' rik'in laj Abrahán jo'wi' laa'ex li nekexiwa ru li Yos, qik'in laa'o taqlanb'il chaq li Aatin a'in aj k'ehol kolb'a ib'.

San Juan 8:43

K'a'ut naq ink'a' neketaw ru li waatinob'aal? Xb'aan naq ink'a' nekexruuk chi rab'inkil li waatin.

San Juan 11:53

Ut chalen sa' li kutan a'an ke'xk'uub' xkamsinkil.

San Juan 7:19

“Ma maawa' tab'i' laj Moisés li kik'ehok eere li Chaq'rab'? Ut maajun eere napaab'ank re li Chaq'rab'. K'a'ut naq teeraj inkamsinkil?”.

San Juan 10:31

Toja' naq eb' laj Judiiy ke'xchap wi' chik xpek re xkutinkil chirix.

San Juan 8:6

Ke'xye a'in yal re xyalb'al rix, re xtawb'al k'aru te'xjit wi'. A'ut li Jesus kixk'utzub' rib' ut ki'ok chi tz'iib'ak sa' ch'och' rik'in ru'uj ruq'.

San Juan 7:25

Wankeb' aj Jerusalén ke'yehok: —Ma maawa' tab'i' a'in li neke'raj xkamsinkil?

San Juan 5:44

Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

San Mateo 13:15

Xb'aan naq kawujenaq li xch'ool li tenamit a'in, jipeb' sa' xxik ut xe'xmutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».

San Juan 8:33

Ke'chaq'ok eb' a'an: —Laa'o ralal xk'ajolo laj Abrahán. Maajun wa eechaninb'ilo xb'aan anihaq. Chan put ru naq nakaye laa'at: «Toxexwanq chi ach'ab'anb'il»? chankeb' re.

San Mateo 3:9

ut meeb'alaq'i eerib' chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

San Juan 8:56

Laj Abrahán leeyuwa' k'ajo' naq kisaho'k sa' xch'ool chi xk'oxlankil rilb'al linKutan; kiril ut kisaho'k sa' xch'ool.

1 Juan 2:14

Xintz'iib'ak eerik'in, ex inkok'al, xb'aan naq nekenaw ru li Yuwa'b'ej. Xintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Xintz'iib'ak eerik'in, ex saaj al, xb'aan naq kaw eerib' ut li Raatin li Yos xxe'eni rib' eerik'in ut xeq'ax ru li maa'us.