San Juan 8:29 - Q'eqchi Bible

²⁹ Ut li kitaqlank chaq we wank wik'in: ink'a' xinxkanab' injunes, xb'aan naq junelik ninb'aanu li nawulak chiru.

Li Santil hu

²⁹ Li ani quitaklan chak cue, aꞌan cuan cuiqꞌuin. Aꞌan incꞌaꞌ quinixcanab injunes xban nak la̱in junelic ninba̱nu li cꞌaꞌru naraj aꞌan, chan li Jesús.

San Juan 8:29 ပူးပေါင်းရင်းမြစ်များ

San Juan 6:38

Xb'aan naq xinkub'e chaq sa' choxa moko re ta xb'aanunkil li wajom laa'in, re b'an xb'aanunkil li rajom li kitaqlank chaq we.

San Juan 16:32

K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

San Juan 4:34

Kixye li Jesus reheb': —Lintzekemq a'an naq tinb'aanu li rajom li kitaqlank chaq we ut tink'e chi yaalo'k ru li xk'anjel.

San Juan 15:10

Wi nekepaab' linchaq'rab', texkanaaq sa' linrahom jo' naq laa'in xinpaab' xchaq'rab' linYuwa' ut ninkanaak sa' li xrahom.

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

San Juan 8:16

Ut wi tinraqoq aatin, linraqb'a aatin a'an tz'aqal yaal xb'aan naq moko wankin ta injunes, wochb'een b'an li kitaqlank chaq we.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

San Juan 14:31

ab'anan tento tixnaw li ruuchich'och' naq ninra li Yuwa'b'ej ut ninb'aanu li xinxtaqla wi' chaq. Xaqlinqex anaqwan ut elqo arin.

San Juan 17:4

“Laa'in xinnima aaloq'al sa' ruuchich'och' rik'in xb'aanunkil chi tz'aqal li k'anjel xak'e chinb'aanu.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Isaías 42:21

Li Qaawa' xraj xk'eeb'al xloq'al ut xwankil li xchaq'rab' sa' xk'ab'a' li xtiikilal xch'ool.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

2 Timoteo 4:22

Li Qaawa' chiwanq taxaq aawik'in. Li rusilal li Yos chiwanq taxaq eerik'in.

San Mateo 3:15

Kichaq'ok li Jesus ut kixye re: —Kanab' wan chi jo'kan anaqwan, xb'aan naq jo'ka'in taatz'aqloq ru qab'aan chixjunil li rajom li Yos. Toja' naq kixk'ulub'an xch'ool laj Jwan.

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.