San Juan 8:21 - Q'eqchi Bible

²¹ Li Jesus kixye wi' chik reheb': —Xik we laa'in. Laa'ex tineesik', ut texkamq sa' leemaak. B'ar wi' xik we laa'in, ink'a' truuq texxik laa'ex.

Li Santil hu

²¹ Ut li Jesús quixye cuiꞌchic reheb: —La̱in tinxic. Tine̱sicꞌ raj chic abanan incꞌaꞌ tine̱tau xban nak incꞌaꞌ ta̱ru̱k texxic bar tinxic cuiꞌ la̱in. Texca̱mk ban saꞌ le̱ ma̱c, chan.

San Juan 8:21 ပူးပေါင်းရင်းမြစ်များ

San Juan 7:34

Tineesik' ut ink'a' tineetaw, ut b'arwi' wanqin laa'in ink'a' texruuq chi xik laa'ex.

San Juan 8:24

Jo'kan naq xinye eere naq texkamq sa' leemaak xb'aan naq, wi ink'a' nekepaab' naq Laa'inin, texkamq sa' leemaak.

San Juan 13:33

“Ex walal ink'ajol, yal jun k'amok aj chik tinwanq eerik'in. Laa'ex tineesik'. Jo' xinye reheb' laj Judiiy, jo'kan ajwi' tinye eere anaqwan: B'arwi' xik we laa'in, ink'a' texruuq chi xik laa'ex.

Efesios 2:1

Junxil laa'ex kamenaqex chaq sa' leemaa'usilal ut sa' leemaak.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

San Juan 12:33

Kixye a'in re xk'eeb'al chi nawe'k chanru naq taakamq.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

San Mateo 23:39

Ninye eere naq ink'a' chik teeril wu toj reetal teeye: «Usilaatinanb'il li xchalk sa' xk'ab'a' li Qaawa'!»”.

Isaías 65:20

Ink'a' chik te'kamq aran eb' li k'uula'al toja' xe'yo'laak, chi moko te'q'ajq te'sutq'iiq eb' li cheekel poyanam chi ink'a' ta te'xtz'aqob'resi li xchihab'eb'. Li taakamq sa' o'k'aal chihab', chanchan naq taakamq chi toj saaj; ut li ink'a' tixkooloni li o'k'aal chihab', a'an li majewanb'il.

Proverbios 14:32

Li ink'a' us xna'leb', a' ajwi' li xmaa'usilal nasachok re; a'ut li tiik xch'ool nakole'k xb'aan li xtiikilal.

Proverbios 11:7

Naq nakamk li naxb'aanu maa'usilal, na'oso'k li ratawom jo'wi' li k'aru naxk'oxla xb'aanunkil.

Li xHu LAJ JOB 20:11

Us ta kawaq rib' ut toj saajaq, ab'anan taaxik sa' muqleb'aal kamenaq.

1 Reyes 18:10

Sa' xk'ab'a' li Qaawa' laaYos ninye aawe naq maak'a' junaq tenamit malaj awab'ejihom ink'a' ta xtaqla wi' aasik'b'al li awab'ej. Ut wi neke'xye naq maa'anihat aran, naxk'eheb' chi xyeeb'al rik'in jurament naq tz'aqal yaal naq ink'a' xate'xtaw.

San Juan 7:36

K'aru xyaalal li aatin kixye: «Tineesik' ut ink'a' tineetaw, ut b'arwi' wanqin laa'in, ink'a' texruuq chi xik laa'ex»?