San Juan 7:39 - Q'eqchi Bible

³⁹ Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

Li Santil hu

³⁹ Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

San Juan 7:39 ပူးပေါင်းရင်းမြစ်များ

Hechos 2:17

«Taak'ulmanq sa' roso'jikeb' li kutan, chan li Yos: Tinhoy linMusiq' sa' xb'eeneb' chixjunil. Eb' leeralal ut leerab'in te'aatinaq jo' propeet; eb' leesaaj al te'moyuhoq ut leecheekelal te'matk'eq matk'.

Joel 2:28

“Chirix chik a'in tinhoy linmusiq' sa' xb'eeneb' chixjunil: eb' leeralal ut leerab'in te'aatinaq jo' propeet, eb' leecheekelal te'matk'eq ut eb' leesaaj al te'iloq moy u.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

Hechos 2:4

Ut chixjunileb' ke'nujak chi Santil Musiq'ej ut ke'ok chi aatinak sa' jalan jalanq chi aatinob'aal, jo' chanru ke'k'ehe'k wi' chi aatinak xb'aan li Musiq'ej.

San Juan 16:7

Ab'anan a' li yaal ninye eere: us cho'q eere naq tinxik, xb'aan naq wi ink'a' tinxik, moko taachalq ta eerik'in laj K'ojob'anel ch'ool; ut wi tinxik, tintaqla chaq a'an eerik'in.

San Juan 12:16

Eb' li xtzolom ink'a' ke'xtaw ru a'in sa' xtiklajik; ab'anan, naq kinimaak xloq'al li Jesus, ke'naqk sa' xch'ool naq a'in tz'iib'anb'il chaq chirix ut a'an ajwi' li ke'xb'aanu re.

Isaías 32:15

Ab'anan taqe'q taahoye'q chaq li Musiq'ej sa' qab'een. Toja' naq li chaqich'och' tkanaaq cho'q xna'aj awimq ut li xna'aj awimq taak'iche'o'q wi' chik.

Romanos 8:9

Ab'anan laa'ex moko wankex ta chik sa' li naraj li tz'ejwalej, sa' b'an li naraj li musiq'ej, xb'aan naq li xMusiq' li Yos wank eerik'in. Ani maak'a' li xMusiq' li Kriist rik'in, a'an moko re ta li Kriist.

Hechos 2:38

Laj Pedro kixchaq'b'eheb' ut kixye: —Cheyot' eech'ool chejal eek'a'uxl ut chikub'eeq eeha' chejunjunqal sa' xk'ab'a' li Jesus li Kriist, re te'kuymanq te'sachmanq leemaak; ut teek'ul li xsimaatan li Santil Musiq'ej.

San Juan 20:22

Ut naq kixye a'in, ki'apunk sa' xb'eeneb' ut kixye reheb': —K'ulumaq li Santil Musiq'ej.

San Juan 12:23

Li Jesus kixsumeheb' ut kixye: —Xwulak xhonal naq taanimaaq xloq'al li K'ajolb'ej.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

2 Corintios 3:8

ma toja' ta chik ink'a' q'axal loq' li xk'anjel li Musiq'ej!

Hechos 4:31

Naq ke'raqe'k chi tijok, ki'eek'ank li na'ajej ch'utch'uukeb' wi', ut chixjunileb' ke'nujak chi Santil Musiq'ej ut ke'ok chi xyeeb'al li Raatin li Yos chi maak'a'eb' xxiw.

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

San Juan 14:13

Ut chixjunil li teetz'aama sa' ink'ab'a', laa'in tinb'aanunq re, re naq li Yuwa'b'ej taanimaaq xloq'al rik'in li K'ajolb'ej.

San Juan 7:12

Ut q'axal neke'hashotk eb' li poyanam chirix a'an. Wan te'yehoq: “Chaab'il winq a'an”. Wankeb' chik neke'xye: “Ink'a', naxb'alaq'iheb' b'an li tenamit”.

San Juan 6:14

Naq eb' li tenamit ke'ril li xnimal eetalil kixb'aanu li Jesus, ke'xye: —Relik chi yaal naq a'in li propeet li tento taak'ulunq sa' ruuchich'och'.

San Juan 1:33

Laa'in ink'a' ninnaw chaq ru, ab'an li kitaqlank chaq we chi kub'sink ha' xye we: «Li taawil wi' chi kub'eek li Musiq'ej ut tolkanaaq sa' xb'een, a'an li taakub'sinq ha' rik'in Santil Musiq'ej».

San Juan 1:25

Ut ke'xpatz' re: —K'a' put naq nakatkub'sink ha', wi maawa'at li Kriist, chi moko laj Elías, chi moko li propeet?

San Juan 1:21

Ke'xpatz' wi' chik re: —Anihat put laa'at? Ma laa'at laj Elías? Laj Jwan kixye: —Maawa'in. —Ma laa'at li propeet? chankeb' wi' chik re. Kixsumeheb' ut kixye: —Ink'a'.

San Lucas 24:49

Chek'e reetal, laa'in tintaqla chaq sa' eeb'een li xyeechi'om linYuwa'. Kanaaqex wan sa' li tenamit Jerusalén toj tolextiqib'aaq rik'in li wankilal taachalq chaq taqe'q.

San Lucas 7:16

K'ajo' naq ke'xiwak chixjunileb' ut ke'ok chi xnimankil ru li Yos: —Jun xnimal ru propeet xwakliik sa' qayanq. Ke'xye ajwi': —Li Yos xolrula'ani li xtenamit.

San Lucas 3:16

Kichaq'ok ut laj Jwan ut kixye reheb': “Laa'in ninkub'si eeha' yal rik'in ha', ab'an chalk re li q'axal nim xwankil chiwu laa'in, li moko ink'ulub' ta xhitb'al xk'aamal li xxaab'. A'an tixkub'si eeha' rik'in Santil Musiq'ej ut xam.

San Mateo 16:14

Ke'xye: —Wan neke'yehok naq a' laj Jwan aj kub'sihomha'. Wankeb' chik neke'yehok naq laj Elías, ut wankeb' wi' chik neke'yehok naq a'an laj Jeremías malaj junaq reheb' li propeet.

Proverbios 1:23

Chek'ehaq reetal leetijb'al inb'aan, ut laa'in tinhoy linmusiq' sa' eeb'een; tink'e chetaw xyaalal li waatin.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

San Mateo 21:11

Ut eb' li poyanam neke'xye: —A'an a'in li propeet Jesus aj Nazaret re Galilea.

Isaías 12:3

Chi sa sa' leech'ool teexok leeha' sa'eb' li xyo'leb'aal li kolb'a ib',

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.

San Juan 8:54

Kichaq'ok li Jesus ut kixye: —Wi ta laa'in ninnima inloq'al injunes wib', linloq'al maak'a' na'ok wi'. A' b'an linYuwa' naxnimob'resi inloq'al, a' li nekeye laa'ex: «A'an li qaYos»,

San Juan 16:14

A'an tixk'e inloq'al xb'aan naq tixk'ul li k'aru we ut tolxye resil eere.

San Juan 17:1

Jo'ka'in naq ki'aatinak li Jesus. Chirix chik a'an kixtaqsi li rilob'aal sa' choxa ut kixye: “At inYuwa', xwulak xq'ehil. Chanima xloq'al laawalal re naq laawalal tixnima aawu

Hechos 19:2

—Ma eek'ulum li Santil Musiq'ej naq xex'ok chi paab'ank? chan reheb'. Ut eb' a'an ke'xye: —Chi moko qab'ihom resil naq wank ta li Santil Musiq'ej.