San Juan 7:37 - Q'eqchi Bible

³⁷ Sa' roso'jik li ninq'e, sa' xnimal xkutankil, kixye li Jesus chi xaqxo ut chi kaw xyaab' xkux: “Li taachaqiq re, chalqaq wik'in, ut li napaab'ank we, chi'uk'aq.

Li Santil hu

³⁷ Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

San Juan 7:37 ပူးပေါင်းရင်းမြစ်များ

Isaías 55:1

“Chejunilex li nachaqik eere, kimqex chi uk'ak ha'. Us ta maak'a' eetumin, kimqex ut tzekanqex chi maatan; uk'umaq b'iin ut xya'al xtu' wakax, chi ink'a' teetoj.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Juan 6:35

Kixye li Jesus reheb': —Laa'in li yu'am wa. Ani taachalq wik'in ink'a' taatz'okaaq, ut li taapaab'anq we maajaruj taachaqiq re.

Isaías 12:3

Chi sa sa' leech'ool teexok leeha' sa'eb' li xyo'leb'aal li kolb'a ib',

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

San Juan 4:10

Kichaq'ok li Jesus ut kixye: —Wi nakanaw ta li xsimaatan li Yos ut ani li nayehok aawe: «K'e b'ayaq wuk'a'», laa'at raj xapatz' aawuk'a' re ut a'an tixk'e raj aawe yo'yookil ha'.

Apocalipsis 21:6

Ut kixye we: “Ak xyaalo'k. Laa'in li Alfa ut li Omega, li xtiklajik ut li roso'jik. Ani taachaqiq re, tink'e chi uk'ak chi maatan sa' li yo'leb'aal ha' re li yu'am.

Salmos 63:1

Xsaalm laj David, naq wan chaq sa' li chaqich'och' re Judá.

Salmos 143:6

Ninterq'usi li wuq' chi tijok chawu; kama' li chaqi ch'och' naraj li ha', jo'kanin laa'in chi xrahinkil aawu.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

1 Corintios 12:13

Xb'aan naq kub'sinb'il qaha' rik'in jun chi Musiq'ej re xk'uub'ankil ru jun chi tz'ejwalej chiqajunilo laa'o, us ta aj judiiy malaj aj griego, eb' li loq'b'il moos ut eb' li ach'ab'anb'ileb'. Ut chiqajunilo xoo'uk'ak rik'in jun chi Musiq'ej.

San Juan 6:55

Xb'aan naq lintz'ejwal a'an tz'aqal tzekemq ut linkik'el a'an tz'aqal uk'a'.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Números 29:35

“Teeninq'ehi li xwaqxaq kutan rik'in jun nimla ch'utam. Maajun eere taak'anjelaq.

1 Corintios 10:21

Ink'a' naru teeruk' xsa' li xsek' li Qaawa' ut xsa' xsek'eb' li maa'us. Ink'a' naru textz'aq rik'in li xmeex li Qaawa' ut rik'in xmeexeb' li maa'us.

1 Corintios 10:4

Chixjunileb' ajwi' ke'uk'ak rik'in jun chi musiq'ejil uk'a', xb'aan naq neke'uk'ak rik'in li musiq'ejil saqoonak li yo chi taaqenk reheb'; ut li saqoonak, a'an li Kriist.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Levítico 23:36

Chiruheb' li wuqub' kutan a'an teek'at eemayej sa' xk'ab'a' li Qaawa', ut sa' xwaqxaq li kutan teeb'aanu jun eeloq'laj ch'utam ut teek'at junaq mayej chiru li Qaawa'. A'anaq jun kutan re sahil ch'oolej ut maajun kawil k'anjel teeb'aanu.

Efesios 5:18

Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej.

1 Corintios 11:25

Jo'kan ajwi' kixb'aanu rik'in li uk'leb'-sek' naq ak xraqe'k chi wa'ak: “Li sek' a'in a'an li Ak' Sumwank sa' xk'ab'a' linkik'el -chan-. Jar wa teeruk' xsa', cheb'aanu a'in re xnimankil injultikankil”.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

San Juan 5:40

a'ut laa'ex ink'a' nekeraj chalk wik'in re taawanq eeyu'am.

San Juan 1:23

Kixye laj Jwan: —Laa'in li xyaab' kuxej naxjap chaq re sa' li chaqich'och': «Tiikob'resihomaq xb'e li Qaawa'», jo' kixye li propeet Isaías.

Zacarías 9:15

Li Nimajwal Yos tixkoleb' li ralal xk'ajol, ut eb' a'an te'xputz'i eb' li neke'jok'i'b'k; te'xsach ruheb' li xik' neke'ilok reheb', te'ruk' li xkik'eleb' jo' li b'iin toj reetal te'k'ojlaaq xch'ool, jo' naq nanujak chi kik' li xsek'ul li mayej sa' xb'een li artal.

Miqueas 6:9

Li Qaawa' xjap re chi xb'oqb'al Jerusalén: “Ab'ihomaq, ex tenamit ut li nekexk'ehok na'leb'!

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Isaías 40:6

Jun xyaab' kuxej yo chi xyeeb'al we: “Jap aawe chi aatinak”; ut laa'in kinchaq'ok: “K'aru tinye?”, chankin. “Ye naq chixjunileb' li poyanam chanchaneb' li pim, ut chixjunil li xloq'aleb' kama' xch'ina'usal li uutz'u'uj.

Nehemías 8:18

Chiru wuqub' kutan ke'ninq'ehik; ut chalen sa' li xb'een kutan toj sa' xraqik, li ninq'e laj Esdras kixyaab'asi xsa' li xHuhil xChaq'rab' li Yos. Ut sa' xwaqxaq li kutan kiwank jun nimla ch'utam jo' chanru chaq'rab'inb'ileb' wi'.

Levítico 23:39

“Sa' li o'laju xb'e li xwuq po, naq akaq xexok ru leerawimq, chiru wuqub' kutan texninq'ehiq sa' xk'ab'a' li Qaawa'. Texhilanq sa' xb'een li kutan ut sa' xwaqxaq li kutan.

San Juan 7:28

Toja' naq li Jesus, naq yo chi xtzolb'aleb' li tenamit sa' rochoch li Yos, kixye chi kaw xyaab' xkux: —Yaal naq nekenaw wu ut nekenaw b'ar xinchalk chaq, ab'an ink'a' xinchalk injunes wib', wank b'an li tz'aqal kitaqlank chaq we, a' li ink'a' nekenaw ru laa'ex.

Isaías 40:2

Aatinomaq Jerusalén sa' q'unil aatin ut yehomaq re chi yaal naq moko mun ta chik, ak xtoj rix chixjunil li xmaak, xb'aan naq ka'sut xrahob'tesiik xb'aan li Qaawa' chirix chixjunil li maa'usilal xb'aanu.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Proverbios 8:3

na'ab'imanje'k sa' rokeb'aaleb' li tenamit, ut sa'atqeb' li jalb'e japjo re chi xyeeb'al:

San Mateo 3:3

Li propeet Isaías ki'aatinak junxil chirix laj Jwan naq kixye chi jo'ka'in: “Xyaab' xkux li japjo re sa' li chaqich'och': «Tuqub'omaq li xb'e li Qaawa', tiikob'resihomaq li ruq' b'e chiru»”.

Proverbios 9:3

ut xtaqlaheb' li xmoos ixq re xyeeb'al resil toj sa'atqeb' li xnajt teramil b'ool re li tenamit:

Proverbios 8:1

Li chaab'il na'leb' yo chi b'oqok, kaw xyaab' xkux li seeb'al k'a'uxl.

Proverbios 1:20

Li chaab'il k'a'uxl yo chi aatinak sa'eb' li b'e ut na'ab'iik li xyaab' xkux sa' li k'ayiil.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Ezequiel 47:9

A' yaal b'ar toxwulaq li roqha' a'in, taawanq xyu'am li k'iila paay chi xul ut k'ajo'aqeb' li kar. Xb'aan naq li ha' a'in tixki'ob'resi li remrem aj ha', ut yalaq b'ar toxnume'q li ha' a'in wanq yu'amej xb'aan.

San Mateo 5:6

Us xaq reheb' li neke'tz'okaak ut neke'chaqik re, chi xsik'b'al li tiikilal, xb'aan naq eb' a'an te'k'ojlaaq xch'ool.

San Juan 4:11

Kixye li ixq re: —Qaawa', maak'a' k'aru taawisi wi' li ha' ut cham li jul: b'ar put taataw li yo'yookil ha'?