San Juan 7:30 - Q'eqchi Bible

³⁰ Ke'raj raj xchapb'al, ab'an maa'ani kixtaqsi li ruq' sa' xb'een, xb'aan naq toj maji' nawulak li xhonalil.

Li Santil hu

³⁰ Ut queꞌraj raj xchapbal re nak teꞌxqꞌue saꞌ tzꞌalam. Abanan incꞌaꞌ ajcuiꞌ queꞌxchap xban nak toj ma̱jiꞌ nacuulac xkꞌehil nak ta̱chapekꞌ.

San Juan 7:30 ပူးပေါင်းရင်းမြစ်များ

San Juan 10:39

Toja' naq ke'xyal wi' chik xchapb'al, ab'an li Jesus ki'elelik chiruheb'.

San Juan 8:20

Eb' li aatin a'in kixye li Jesus sa' li xna'aj li mayej, naq yo chi xtzolb'aleb' li tenamit sa' rochoch li Yos. Ut maa'ani kichapok re xb'aan naq toj maji' nawulak li xhonalil.

San Juan 7:6

Toja' naq kixye li Jesus reheb': —Toj maji' nawulak linhonal, a'ut leehonal laa'ex junelik wank cheruq'.

San Juan 7:32

Eb' laj Pariseey ke'rab'i naq eb' li tenamit neke'xyehatq a'in chirix li Jesus; jo'kan naq ke'xtaqla eb' li xtaql chi xchapb'al.

San Juan 11:57

Li Xb'eenileb' aj tij ut eb' laj Pariseey ak xk'ehomeb' jun li chaq'rab': “Wi ani taanawoq re b'ar wanq, chixyehaq resil re naq taachapmanq”.

San Juan 9:4

Naq toj kutan, tento tqab'aanu li k'anjel naraj li kitaqlank chaq we. Chalk re li q'oqyink ut maa'ani chik truuq taak'anjelaq.

San Juan 8:59

Toja' naq ke'xxok xpek re xkutb'al li Jesus; ab'an a'an kixmuq rib' ut ki'elk sa' rochoch li Yos.

San Juan 8:37

Ninnaw chi us naq ralal xk'ajolex laj Abrahán; ab'an nekeraj inkamsinkil xb'aan naq li waatin ink'a' naxtaw xna'aj sa' leech'ool.

San Juan 7:19

“Ma maawa' tab'i' laj Moisés li kik'ehok eere li Chaq'rab'? Ut maajun eere napaab'ank re li Chaq'rab'. K'a'ut naq teeraj inkamsinkil?”.

San Juan 7:8

Taqenqex laa'ex sa' li ninq'e; laa'in ink'a' tintaqe'q sa' li ninq'e a'in xb'aan naq maji' natz'aqlok linhonal.

San Lucas 22:53

Rajlal kutan xinwank chaq sa' eeyanq sa' rochoch li Yos, ut ink'a' xetaqsi chaq leeruq' chinchapb'al; ab'anan a'an a'in leehonal, naq nanumtaak xwankil li aak'ab'.

San Lucas 20:19

Sa' ajwi' li honal a'an eb' laj tz'iib' ut eb' li xb'eenil aj tij ke'xsik' chan raj ru naq te'xchap li Jesus, xb'aan naq ke'xtaw ru naq cho'q reheb' kixye li jaljookil ru aatin a'in; ab'anan ke'xiwak chiruheb' li tenamit.

San Marcos 11:18

Naq ke'rab'i a'in eb' li xb'eenil aj tij jo'wi' eb' laj tz'iib', ke'ok chi xsik'b'al chanru naq te'xkamsi, xb'aan naq neke'xxiwa ru: a' neke'ril naq chixjunil li tenamit sachsookeb' xch'ool xb'aan li naxtzoleb' wi'.

San Mateo 21:46

Ut ke'xsik' chan raj ru xchapb'al, ab'an ke'xxiwa ruheb' li tenamit, xb'aan naq a'an propeet chiruheb'.

Isaías 46:10

Laa'in ninye chi rub'elaj li taak'ulmanq moqon, ut ninye resil xb'enwa li toj maji' nak'ulmank. Laa'in ninye: Li k'uub'anb'il inb'aan taa'uxmanq; ut chixjunil li nawaj xb'aanunkil, tinb'aanu.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

San Juan 10:31

Toja' naq eb' laj Judiiy ke'xchap wi' chik xpek re xkutinkil chirix.

San Mateo 12:14

Naq ke'elk aran eb' laj Pariseey, ke'xch'utub' rib' chi k'uub'ank chirix li Jesus re xsachb'al li xyu'am.