San Juan 7:28 - Q'eqchi Bible

²⁸ Toja' naq li Jesus, naq yo chi xtzolb'aleb' li tenamit sa' rochoch li Yos, kixye chi kaw xyaab' xkux: —Yaal naq nekenaw wu ut nekenaw b'ar xinchalk chaq, ab'an ink'a' xinchalk injunes wib', wank b'an li tz'aqal kitaqlank chaq we, a' li ink'a' nekenaw ru laa'ex.

Li Santil hu

²⁸ Nak li Jesús yo̱ chixchꞌolobanquil lix ya̱lal saꞌ li templo, quixye chi cau xya̱b xcux: —Ya̱l nak nequenau cuu. Ut nequenau bar intenamit. Abanan incꞌaꞌ nequenau chi tzꞌakal bar xinchal chak. La̱in incꞌaꞌ xintakla chak cuib yal injunes. Li Dios, li ti̱c xchꞌo̱l, aꞌan li xtaklan chak cue. La̱ex incꞌaꞌ nequenau ru aꞌan.

San Juan 7:28 ပူးပေါင်းရင်းမြစ်များ

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

San Juan 8:19

Toja' naq ke'xye re: —B'ar wank laaYuwa'? Kichaq'ok li Jesus ut kixye: —Ink'a' nekenaw wu chi moko nekenaw ru linYuwa'; wi ta nekenaw wu, nekenaw raj ajwi' ru linYuwa'.

San Juan 8:26

Naab'al raj naru tinye cherix li tinraqoq wi' aatin, ab'an li kitaqlank chaq we a'an paab'ajel; ut li k'aru kiwab'i chaq rik'in, a'an li ninye re li ruuchich'och'.

San Juan 8:14

Li Jesus kixsumeheb' ut kixye: —Us ta ninch'olob' wib', ab'an li ninch'olob' a'an paab'ajel, xb'aan naq ninnaw b'ar xinchalk chaq ut b'ar xik we; a'ut laa'ex ink'a' nekenaw b'ar ninchalk ut b'ar xik we.

Jeremías 9:6

Ka'aj chik li b'alaq'ik ut li tik'ti'ik wank sa' xch'ooleb', ink'a' neke'raj xnawb'al ru li Qaawa'.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

San Juan 12:49

“Xb'aan naq moko xin'aatinak ta injunes wib', a' b'an li Yuwa'b'ej li kitaqlank chaq we xinxchaq'rab'i k'aru tinye ut k'a' chi aj ix tin'aatinaq;

San Juan 5:43

Laa'in xinchalk sa' xk'ab'a' linYuwa', ut ink'a' nikineek'ul. Wi ani chik taachalq yal xtaql xch'ool, a'an teek'ul raj.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

1 Juan 5:10

Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

2 Corintios 1:18

Naxnaw chi us li Yos naq li aatin naqaye eere maawa' xb'enwa “yaal” ut chirix a'an “ink'a'”.

Romanos 3:4

Maajoq'e b'i'an! Li Yos paab'ajel chi junelik, us ta eb' li poyanam aj tik'ti'eb' chixjunileb', jo' tz'iib'anb'il sa' li Santil Hu: “Re naq chik'utunq naq tiik laach'ool rik'in li k'aru nakaye, ut us chat-elq naq taaraqmanq aatin sa' aab'een”.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Hechos 17:23

Naq yookin chi b'eek ut chi xka'yankil li b'arwan nekeloq'oni, xintaw ajwi' jun li artal b'arwi' tz'iib'anb'il: «Re li Yos li ink'a' nawb'il ru». Jo'kan utan, li nekeloq'oni chi ink'a' nekenaw ru, a'an li xinchalk chi xyeeb'al resil eere.

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

San Juan 14:31

ab'anan tento tixnaw li ruuchich'och' naq ninra li Yuwa'b'ej ut ninb'aanu li xinxtaqla wi' chaq. Xaqlinqex anaqwan ut elqo arin.

San Juan 14:10

Ma ink'a' nakapaab' naq laa'in wankin rik'in li Yuwa'b'ej ut li Yuwa'b'ej wank wik'in? Eb' li aatin li ninye eere, moko injunes ta wib' naq ninye; a' li Yuwa'b'ej li wank wik'in, a'an li nab'aanunk re li k'anjel.

San Juan 10:36

k'a'ut naq chiwix laa'in li kinxsantob'resi li Yuwa'b'ej ut kinxtaqla chaq sa' ruuchich'och' nekeye naq ninmajewa li Yos xb'aan naq xinye: «Ralalin li Yos»?

San Juan 8:16

Ut wi tinraqoq aatin, linraqb'a aatin a'an tz'aqal yaal xb'aan naq moko wankin ta injunes, wochb'een b'an li kitaqlank chaq we.

San Juan 5:32

Jalan li nach'olob'ank chiwix, ut laa'in ninnaw naq yaal li naxye chiwix.

San Juan 3:33

Ani nak'ulub'ank re li xyehom, a'an naxye chi yaal naq paab'ajel li Yos.

San Juan 3:2

A'an kiwulak rik'in li Jesus chi q'eq ut kixye re: —At Tzolonel, naqanaw naq rik'in li Yos chalenaqat chaq cho'q aj tzolonel, xb'aan naq maa'ani naru chi b'aanunk re li xninqal eetalil nalajaab'aanu laa'at wi maak'a' li Yos rik'in.

San Juan 1:46

Kichaq'ok laj Natanael ut kixye: —Ma wank tab'i' b'ayaq rusilal Nazaret? Laj Felipe kixye re: —Kim ut toxaawil.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

San Lucas 2:51

Toja' naq kisutq'iik wi' chik Nazaret rochb'eeneb', ut napaab'ank chiruheb'. Li xna' naxk'uula chi us sa' xch'ool chixjunil a'in.

San Lucas 2:39

Naq ak xe'xb'aanu chixjunil li naxye li xChaq'rab' li Qaawa', ke'sutq'iik Galilea, sa' li xtenamiteb', Nazaret xk'ab'a'.

San Lucas 2:11

Anaqwan, sa' li xtenamit laj David, xyo'laak cho'q eere jun aj Kolonel, a'an li Kriist, li Qaawa'.

San Lucas 2:4

Ki'elk ajwi' laj José aran Galilea, sa' li tenamit Nazaret, ut kitaqe'k Judea, sa' li xtenamit laj David, Belén xk'ab'a' (xb'aan naq a'an xkomoneb' li ralal xk'ajol laj David),

San Mateo 2:23

Ut koxkanaaq sa' jun li tenamit Nazaret xk'ab'a', re naq chitz'aqloq ru li xyehomeb' li propeet naq aj Nazaret tixk'ab'a'in.

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Salmos 9:10

Li Qaawa' naxk'aak'ale li rahob'tesinb'ileb', a'an li nak'aak'alenk reheb' sa' xq'ehil li rahilal.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

San Juan 7:14

Sa' xyiitoq li ninq'e kitaqe'k li Jesus sa' rochoch li Yos ut ki'ok chi xtzolb'aleb' li tenamit.

San Mateo 26:55

Ut sa' li honal a'an kixye li Jesus reheb' li tenamit: —Ma jo' nachape'k junaq aj elq' naq xexchalk chinchapb'al rik'in ch'iich' ut che'? Rajlal kutan k'ojk'ookin chaq sa' rochoch li Yos cheetzolb'al, ut ink'a' xineechap.

San Juan 6:42

Ut neke'xyehatq: —Ma maawa' tab'i' a'in li Jesus, li ralal laj José? Laa'o naqanaweb' ru li xna' xyuwa'. K'a' put naq naxye anaqwan: «Xinkub'e chaq sa' choxa»?

San Juan 9:29

Laa'o naqanaw naq li Yos ki'aatinak rik'in laj Moisés, a'ut a'in ink'a' naqanaw b'ar chalenaq chaq.