San Juan 7:19 - Q'eqchi Bible

¹⁹ “Ma maawa' tab'i' laj Moisés li kik'ehok eere li Chaq'rab'? Ut maajun eere napaab'ank re li Chaq'rab'. K'a'ut naq teeraj inkamsinkil?”.

Li Santil hu

¹⁹ ¿Ma incꞌaꞌ ta biꞌ quixqꞌue e̱re li chakꞌrab laj Moisés? ¿Cꞌaꞌut nak ma̱ jun saꞌ e̱ya̱nk naxba̱nu chi tzꞌakal li cꞌaꞌru naxye li chakꞌrab? Ut, ¿cꞌaꞌut nak te̱raj incamsinquil? chan li Jesús.

San Juan 7:19 ပူးပေါင်းရင်းမြစ်များ

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

San Juan 11:53

Ut chalen sa' li kutan a'an ke'xk'uub' xkamsinkil.

San Juan 7:1

Chirix chik a'in li Jesus ki'ok chi b'eek Galilea, ut ink'a' naru taab'eeq Judea xb'aan naq eb' laj Judiiy yookeb' chi xsik'b'al chan raj ru te'xkamsi.

San Mateo 12:14

Naq ke'elk aran eb' laj Pariseey, ke'xch'utub' rib' chi k'uub'ank chirix li Jesus re xsachb'al li xyu'am.

Gálatas 6:13

Eb' a'an ak xk'ulumeb' li sirkunsisyon, ab'an ink'a' neke'xpaab' xChaq'rab' laj Moisés; ka'ajwi' neke'raj naq teek'ul li sirkunsisyon re te'xnimob'resi rib' rik'in naq setb'il xtz'uumal leetz'ejwal.

Deuteronomio 33:4

Laj Moisés kixk'e qe li Chaq'rab', a'an xmaatan li loq'laj komonil re laj Jakob;

Deuteronomio 1:17

Sa' li raqok aatin, maajun teeti ruheb', juntaq'eet b'an teerab'iheb': li maak'a'eb' xwankil ut li wankeb' xwankil, chi maak'a'aq eexiw, xb'aan naq li raqok aatin a'an re li Yos. Ut wi teetaw junaq nimla ch'a'ajkilal, chenumsi we ut laa'in tink'uub'anq re», chankin.

Gálatas 3:19

K'a' put aj e li Chaq'rab' chi jo'kanan? Xb'aan li q'etok aatin naq kik'eemank, toj reetal taak'ulunq li ralal laj Abrahán li kiyehe'k wi' li yeechi'om a'in. Li Chaq'rab' kixaqab'aak xwankil xb'aaneb' li ánjel ut xb'aan jun aj oksinel aatin.

Hechos 7:38

A'an a'in li kiwank chaq rik'in li ánjel li ki'aatinank re sa' xb'een li tzuul Sinaí, jo'wi' rik'in li qana' qayuwa' naq ch'utch'uukeb' chaq sa' li chaqich'och'; a'an a'in li kik'uluk chaq eb' li aatin neke'k'ehok yu'am re taaq'axtesimanq qe.

San Juan 10:39

Toja' naq ke'xyal wi' chik xchapb'al, ab'an li Jesus ki'elelik chiruheb'.

San Juan 7:25

Wankeb' aj Jerusalén ke'yehok: —Ma maawa' tab'i' a'in li neke'raj xkamsinkil?

San Juan 5:45

“Meek'oxla naq laa'in tinjitoq eere chiru li Yuwa'b'ej: a' laj Moisés taajitoq eere, li kaw wi' eech'ool chi oyb'enink.

San Juan 5:18

Jo'kan naq eb' laj Judiiy q'axal wi' chik neke'raj raj xkamsinkil xb'aan naq moko ka'aj ta wi' naxq'et li sábado, naxye aj b'an wi' naq li Yos a'an li xYuwa' ut naxjuntaq'eeta rib' rik'in li Yos.

San Juan 5:16

Jo'kan naq eb' laj Judiiy ke'xsik' li Jesus re xchapb'al, xb'aan naq naxb'aanu a'in sa' sábado.

San Marcos 3:6

Naq ke'elk aran eb' laj Pariseey, tikto ke'xch'utub' rib' rik'ineb' li neke'okenk chirix laj Herodes, chi k'uub'ank chirix li Jesus re xkamsinkil.

San Marcos 3:4

Ut kixpatz' reheb': —K'aru us xb'aanunkil sa' sábado, ma li usilal malaj li ink'a' us, xkolb'al xyu'am junaq malaj ut xkamsinkil? A'ut eb' a'an ch'anch'o ke'kanaak.

San Mateo 21:38

Ab'an eb' laj k'alom, naq ke'ril li alalb'ej, ke'xye chirib'ileb' rib': «A'an a'in li taa'eechaninq re li ch'och'. Kimqex, qakamsiiq ut qeechanihaq li xch'och'».

San Marcos 11:18

Naq ke'rab'i a'in eb' li xb'eenil aj tij jo'wi' eb' laj tz'iib', ke'ok chi xsik'b'al chanru naq te'xkamsi, xb'aan naq neke'xxiwa ru: a' neke'ril naq chixjunil li tenamit sachsookeb' xch'ool xb'aan li naxtzoleb' wi'.