San Juan 7:13 - Q'eqchi Bible

¹³ Ab'anan maa'ani na'aatinak chirix chi kutankil xb'aan xxiweb' chiruheb' laj Judiiy.

Li Santil hu

¹³ Abanan ma̱ ani quia̱tinac chi cau xban nak queꞌxucuac chiruheb li nequeꞌtaklan saꞌ xya̱nkeb laj judío.

San Juan 7:13 ပူးပေါင်းရင်းမြစ်များ

San Juan 9:22

A'in ke'xye li xna' xyuwa' xb'aan xxiweb' chiruheb' laj Judiiy, xb'aan naq ak k'uub'k'u xb'aaneb' laj Judiiy, wi ani tixye naq li Jesus a'an li Kriist, isinb'ilaq sa' li ch'utleb'aal kab'l.

San Juan 19:38

Chirix chik a'in laj José aj Arimatea, xtzolom li Jesus (ab'anan chi muqmu xb'aan xxiw chiruheb' laj Judiiy), koxtz'aama usilal chiru laj Pilaat chi xxokb'al li xtz'ejwal li Jesus. Laj Pilaat kixsume chiru, ut laj José koxxok li xch'och'el xsululel li Jesus.

San Juan 20:19

Ewu sa' ajwi' li kutan a'an, li xb'een kutan re li xamaan, naq tz'aptz'ookeb' li rokeb'aal li na'ajej b'ar wankeb' wi' li xtzolom xb'aan xxiweb' chiruheb' laj Judiiy, kiwulak li Jesus, kixk'e rib' sa' xyiheb' ut kixye reheb': —Chiwanq taxaq eerik'in li tuqtuukil usilal!

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

San Juan 9:34

Ke'chaq'ok eb' a'an ut ke'xye re: —Xatyo'laak chajunxaqalil sa' li maak ut taawaj anchal qatzolb'al laa'o? Ut ke'risi sa' xyanqeb'.

San Juan 3:2

A'an kiwulak rik'in li Jesus chi q'eq ut kixye re: —At Tzolonel, naqanaw naq rik'in li Yos chalenaqat chaq cho'q aj tzolonel, xb'aan naq maa'ani naru chi b'aanunk re li xninqal eetalil nalajaab'aanu laa'at wi maak'a' li Yos rik'in.

San Juan 7:1

Chirix chik a'in li Jesus ki'ok chi b'eek Galilea, ut ink'a' naru taab'eeq Judea xb'aan naq eb' laj Judiiy yookeb' chi xsik'b'al chan raj ru te'xkamsi.

San Juan 7:11

Eb' laj Judiiy yookeb' chi xsik'b'al li Jesus sa' li ninq'e, ut neke'xyehatq: “B'ar wank a'an?”.

San Juan 7:15

Ut eb' laj Judiiy neke'xyehatq chi sachsookeb' xch'ool: —Chanru naq li winq a'in naxnaw chi us chi moko tzolb'il ta?