San Juan 6:7 - Q'eqchi Bible

⁷ Kichaq'ok laj Felipe: —Lajeek'aal (200) tumin chi wa ink'a' taatz'aqloq re naq te'tz'aq b'ayaq chi xjunjunqaleb'.

Li Santil hu

⁷ Quixye laj Felipe: —Ka̱cuaꞌ, cuib ciento denario chi caxlan cua incꞌaꞌ ta̱tzꞌaklok re teꞌtzꞌak caꞌchꞌinak chi xju̱nkaleb, chan.

San Juan 6:7 ပူးပေါင်းရင်းမြစ်များ

San Marcos 6:37

Ab'an li Jesus kixsumeheb': —K'ehomaqeb' chi wa'ak laa'ex, chan. Ke'xye re: —Ma tooxik laa'o chi xloq'b'al lajeek'aal (200) tumin chi wa re te'qak'e chi wa'ak?

San Juan 12:5

—K'a' naq ink'a' xk'ayimank li sununkil b'an a'in chi o'lajuk'aal (300) tumin plaat ut xk'eemank raj reheb' li neb'a'?

San Mateo 18:28

“Naq ki'elk li moosej a'an, kixk'ul jun rech moosil li kach'in ajwi' li xk'as wank rik'in, ut kixchap chi xkux, yo chi xyatz'b'al: «Toj laak'as», chan re.

2 Reyes 4:43

Ab'an a'in kixye: “Chanru naq tink'e a'in reheb' o'k'aal chi winq?”. Kichaq'ok laj Eliseo ut kixye: “K'e reheb' li poyanam ut xwa'aqeb', xb'aan naq jo'ka'in xye li Qaawa': «Te'wa'aq ut taa'ela'anq»”.

San Juan 1:43

Sa' li kutan jun chik kiraj li Jesus xik Galilea. Koxtaw laj Felipe ut kixye re: —Taaqehin.

San Juan 1:44

Laj Felipe a'an aj Betsaida, xtenamit laj Andrés ut laj Pedro.

San Juan 1:45

Laj Felipe koxtaw laj Natanael ut kixye re: —Xqataw li tz'iib'anb'il chaq resil sa' li Chaq'rab' xb'aan laj Moisés, jo'wi' xb'aaneb' li propeet: a' li Jesus, ralal laj José, a' laj Nazaret.

San Juan 1:46

Kichaq'ok laj Natanael ut kixye: —Ma wank tab'i' b'ayaq rusilal Nazaret? Laj Felipe kixye re: —Kim ut toxaawil.

San Juan 1:48

Laj Natanael kixpatz' re: —Chanru naq nakanaw wu? Kichaq'ok li Jesus ut kixye: —Toj maji' nakatxb'oq laj Felipe, naq wankat chaq rub'el xche'el li iig, xatwil.