San Juan 6:53 - Q'eqchi Bible

⁵³ Kixye li Jesus reheb': —Relik chi yaal ninye eere: wi ink'a' neketzeka li xtz'ejwal li K'ajolb'ej, wi ink'a' nekeruk' li xkik'el, maak'a'aq yu'am eerik'in.

Li Santil hu

⁵³ Quixye li Jesús reheb: —Relic chi ya̱l ninye e̱re: Cui incꞌaꞌ te̱tzaca lin tibel la̱in li Cꞌajolbej ut cui incꞌaꞌ te̱rucꞌ lin quiqꞌuel, incꞌaꞌ ta̱cua̱nk le̱ yuꞌam chi junelic.

San Juan 6:53 ပူးပေါင်းရင်းမြစ်များ

1 Juan 5:12

Ani aj ik'in wank li K'ajolb'ej, wank li yu'am rik'in; ani aj ik'in maak'a' li K'ajolb'ej, maak'a' ajwi' li yu'am rik'in.

San Juan 6:55

Xb'aan naq lintz'ejwal a'an tz'aqal tzekemq ut linkik'el a'an tz'aqal uk'a'.

San Juan 15:4

Kanaaqex wik'in, ut laa'in tinkanaaq eerik'in. Jo' li ruq' che' ink'a' naru na'uuchink xjunes rib' wi ink'a' xtz'ejwalihom rib' rik'in li xtoonal, jo'kan ajwi' laa'ex wi ink'a' nekexkanaak wik'in.

San Juan 6:47

Relik chi yaal ninye eere: ani wank xpaab'aal, wank xyu'am chi junelik.

San Juan 3:3

Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

San Mateo 18:3

ut kixye: —Relik chi yaal ninye eere: wi ink'a' teejal eena'leb' ut wi ink'a' jo'kaqex li kok'al, ink'a' tex'ok sa' li xnimajwal wankilal li choxa.

San Juan 3:5

Kichaq'ok li Jesus ut kixye: —Relik chi yaal ninye aawe: ani ink'a' taayo'laaq rik'in ha' ut Musiq'ej moko truuq ta taa'ok sa' li xnimajwal awab'ejihom li Yos.

San Lucas 13:5

Ninye eere naq ink'a'; ut wi ink'a' teeyot' eech'ool teejal eek'a'uxl, juntaq'eet naq tex'oso'q chejunilex”.

San Lucas 13:3

Ninye eere naq ink'a'; wi ink'a' teeyot' eech'ool teejal eek'a'uxl, juntaq'eet naq tex'oso'q chejunilex.

San Juan 13:8

Ut laj Pedro kixye re: —Maajoq'e taach'aj li woq. Kisumeek xb'aan li Jesus: —Wi ink'a' tinch'aj laawoq, ink'a' tattz'aqonq wik'in.

San Mateo 5:18

Relik chi yaal ninye eere: naq toj wanq li choxach'och', maajun xleetril chi moko xch'ina eetalil li Chaq'rab' taanume'q chi ink'a' ta xb'enwa taak'ulmanq chixjunil.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

San Mateo 8:20

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

San Juan 6:62

K'a' raj ru teeye naq teeril li K'ajolb'ej chi taqe'k b'arwi' kiwank chaq xb'enwa?