San Juan 6:40 - Q'eqchi Bible

⁴⁰ Xb'aan naq a'an a'in li rajom linYuwa': naq yalaq ani taaril ru li K'ajolb'ej ut tixpaab', wanq xyu'am chi junelik, ut laa'in tinwaklesi chi yo'yo sa' roso'jikeb' li kutan.

Li Santil hu

⁴⁰ Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.

San Juan 6:40 ပူးပေါင်းရင်းမြစ်များ

Romanos 6:23

Xb'aan naq li xtojb'al li maak a'an li kamk; ab'an li maatan li nachalk rik'in li Yos a'an li junelik yu'am sa' xk'ab'a' li Kristo Jesus, li Qaawa'.

San Juan 6:54

Ani natzekank re lintz'ejwal ut naruk' linkik'el, wank xyu'am chi junelik ut laa'in tinwaklesi chi yo'yo sa' roso'jikeb' li kutan.

San Juan 5:24

“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am.

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

San Juan 12:45

ut li na'ilok wu, a' li kitaqlank chaq we naril ru.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

San Lucas 2:30

xb'aan naq ak xwil rik'in wu li kolb'a ib'

1 Juan 2:25

A'an a'in li kixyeechi'i qe li Kriist, a' li junelik yu'am.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Juan 10:28

Laa'in nink'e reheb' li junelik yu'am ut maajaruj te'oso'q, ut maa'ani taamaq'oq reheb' sa' wuq'.

San Judas 1:21

Kanaaqex sa' xrahom li Yos, yooqex chi royb'eninkil li ruxtaan li Qaawa' Jesukriist, cho'q re li junelik yu'am.

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Romanos 5:21

Chi jo'kan, kama' li maak kiwank xwankil rik'in li kamk, jo'kan ajwi' chi'awab'ejinq li rusilal li Yos rik'in li tiikil ch'oolej ut cho'q re li junelik yu'am, sa' xk'ab'a' li Jesukriist, li Qaawa'!

San Juan 12:50

ut laa'in ninnaw naq li xchaq'rab', a'an junelik yu'am. Jo'kan naq li k'aru ninye, ninye jo' chanru xye chaq we li Yuwa'b'ej”.

San Juan 8:56

Laj Abrahán leeyuwa' k'ajo' naq kisaho'k sa' xch'ool chi xk'oxlankil rilb'al linKutan; kiril ut kisaho'k sa' xch'ool.

San Marcos 16:16

Ani taapaab'anq ut taakub'eeq xha', a'an taakole'q; a'ut li ink'a' taapaab'anq, taateneb'aaq tojb'amaak sa' xb'een.

Isaías 53:2

Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

Hebreos 11:1

Li paab'aal a'an xtoonal li k'aru na'oyb'enimank; a'an xkawub' li ink'a' na'ilmank ru.

Hebreos 11:27

Sa' xk'ab'a' li xpaab'aal laj Moisés kixkanab' Ejiipt chi ink'a' kixxiwa xjosq'il li awab'ej; ut kiwank chi kaw xch'ool chi chanchan yo chi rilb'al Li ink'a' na'ilmank ru.

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

San Mateo 10:15

Relik chi yaal ninye eere: sa' xkutankil li raqb'a aatin kotzkooq b'ayaq li rahilal tixk'ul Sodoom ut Gomoor chiru li tixk'ul li tenamit a'an.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

San Juan 6:39

Ut a'an a'in li rajom li kitaqlank chaq we: naq chixjunil li xk'ehom we ink'a' taasachq chiwu, tinwaklesi b'an chi yo'yo sa' roso'jikeb' li kutan.

San Juan 6:44

Maa'ani naru nachalk wik'in, wi ink'a' k'amb'il chaq xb'aan li Yuwa'b'ej li kitaqlank chaq we; ut laa'in tinwaklesi chi yo'yo sa' roso'jikeb' li kutan.

San Juan 11:24

Kichaq'ok lix Marta: —Ninnaw naq taawakliiq wi' chik sa' xwaklijikeb' chi yo'yo li kamenaq, sa' roso'jikeb' li kutan, chan.

Números 21:9

Laj Moisés kixyiib' jun li k'anti' rik'in q'anch'iich' ut kixtaqsi chi ru'uj jun che'. Ut wi junaq k'anti' naxtiw junaq winq ut a'an tixka'ya li k'anti' yiib'anb'il rik'in q'anch'iich', ink'a' nakamk.