San Juan 5:45 - Q'eqchi Bible

⁴⁵ “Meek'oxla naq laa'in tinjitoq eere chiru li Yuwa'b'ej: a' laj Moisés taajitoq eere, li kaw wi' eech'ool chi oyb'enink.

Li Santil hu

⁴⁵ Me̱cꞌoxla nak la̱in tinjitok e̱re chiru lin Yucuaꞌ. Cuan jun li ta̱jitok e̱re. Aꞌan li chakꞌrab li quiqꞌueheꞌ re laj Moisés li cꞌojcꞌo cuiꞌ e̱chꞌo̱l.

San Juan 5:45 ပူးပေါင်းရင်းမြစ်များ

Gálatas 3:10

Chek'e reetal: chixjunileb' li k'ojk'ookeb' xch'ool rik'in xk'anjelankil li Chaq'rab' teneb'anb'il li tojb'amaak sa' xb'eeneb', xb'aan naq naxye li Santil Hu: “Maa'usinb'ilaqeb' chixjunileb' li ink'a' neke'xk'e xch'ool chirix chixjunil li tz'iib'anb'il sa' xhuhil li Chaq'rab' chi moko neke'xb'aanu”.

Romanos 2:12

Chixjunileb' li ke'maakob'k chi ink'a' ke'xnaw li xChaq'rab' laj Moisés, maak'a' Chaq'rab' sa' xb'eeneb' naq te'oso'q; ut chixjunileb' li ke'maakob'k rub'el xwankil li Chaq'rab', a' li Chaq'rab' taaraqmanq wi' aatin sa' xb'eeneb'.

San Juan 7:19

“Ma maawa' tab'i' laj Moisés li kik'ehok eere li Chaq'rab'? Ut maajun eere napaab'ank re li Chaq'rab'. K'a'ut naq teeraj inkamsinkil?”.

San Juan 8:9

Naq ke'rab'i li aatin a'in, ke'xtikib' elk chi xjunjunqaleb', xb'enwa eb' li cheekel winq, toj reetal naq ke'elk chixjunileb'; ut li Jesus kikanaak xjunes rochb'een li ixq li toj xaqxo sa' yiib'ej.

San Lucas 16:29

Kiyehe'k ut re xb'aan laj Abrahán: «Wank aran li hu tz'iib'anb'il xb'aan laj Moisés ut eb' li propeet. Che'rab'ihaqeb' a'an».

San Juan 12:48

Ani natz'eqtaanank we ut ink'a' naxk'ulub'an eb' li waatin, wank ani taaraqoq aatin sa' xb'een: li Aatin xinye, a'an li taaraqoq aatin sa' xb'een sa' roso'jikeb' li kutan.