San Juan 5:4 - Q'eqchi Bible

⁴ Xb'aan naq jun li ánjel nakub'e chaq yalaq jo'q'ehatqil chi reek'asinkil li ha', ut li ani na'ok xb'enwa chisa' naq ak x'eek'asiik li ha', nak'iraak a' yaal k'aru li xyajel.

Li Santil hu

⁴ Jun x-ángel li Ka̱cuaꞌ nacube chak saꞌ choxa yalak jokꞌe ut narecꞌasi li haꞌ. Li ani xbe̱n cua na-oc chi saꞌ nak ac x-ecꞌasi̱c li haꞌ, li jun aꞌan naqꞌuira aꞌ yal cꞌaꞌru xyajel.

San Juan 5:4 ပူးပေါင်းရင်းမြစ်များ

San Juan 5:3

Chi sa'eb' a'an wankeb' naab'al li yaj; wankeb' mutz', yeq roqeb' ut sikatqeb', yookeb' chi royb'eninkil naq taa'eek'anq li ha'.

San Juan 5:5

Wank ut aran jun li winq waqxaqlaju xka'k'aal chihab' rokik li xyajel.

San Juan 5:7

Kisumeek xb'aan li yaj: —Qaawa', maa'ani na'oksink we sa' li ha' naq na'eek'asiik; ut naq yookin chi xik, jalan chik nakub'eek xb'enwa chiwu.

2 Reyes 5:10

Ab'an laj Eliseo kixtaqla xyeeb'al re: “Ayu ut atin wuqub' sut sa' li nima' Jordán. Taayo'laaq chaq wi' chik laatib'el, ut ch'ajob'resinb'il tatkanaaq”.

Salmos 119:60

Chi anchal linch'ool ut chi ink'a' ninb'ay wib', nink'anjela li naxye laachaq'rab'.

Proverbios 6:4

matwark ut mathilank toj reetal taayiib' ru laach'a'ajkilal.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Ezequiel 47:8

Toja' naq kixye we: “Li ha' a'in naxik sa' xjayal releb'l saq'e, nakub'eek Arabá ut nokox'okaq sa' li Atz'aminb'il Palaw. Ut naq nawulak aran, chaab'il ha' chik nakanaak wi' li palaw.

Oseas 13:13

Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.

Zacarías 14:8

Sa' li kutan a'an jun yu'amha' taayo'laaq Jerusalén: yiijach taaxik sa' li Atz'aminb'il Palaw ut yiijach taaxik sa' li palaw wank sa' xjayal rokeb'l saq'e; ut ink'a' taachaqiq sa' saq'ehil.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

San Mateo 11:12

“Chalen chaq xk'ulunik laj Jwan aj kub'sihomha' toj anaqwan, li xnimajwal wankilal li choxa natawmank rik'in li yalok q'e; ut eb' li kaweb' xch'ool, a'aneb' neke'eechanink re:

San Lucas 13:24

Kixye li Jesus reheb': “Cheyal eeq'e chi ok sa' li okeb'aal kach'in ru, xb'aan naq ninye eere naq naab'aleb' li te'yaloq raj ok ut ink'a' te'ruuq.

San Lucas 16:16

“Li xChaq'rab' laj Moisés ut eb' li propeet kiwulak toj rik'in laj Jwan. Chalen chaq aran napuktesimank li xChaab'il Esil li xnimajwal awab'ejihom li Yos ut chixjunileb' riil neke'ok chisa' toj rik'in yalok q'e re reechaninkil.

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.