San Juan 5:37 - Q'eqchi Bible

³⁷ Ut li Yuwa'b'ej li kitaqlank chaq we, a'an ajwi' ki'aatinak chiwix. Ab'an laa'ex maajun wa eerab'ihom li xyaab' xkux, chi moko eerilom ta chanru na'ilok,

Li Santil hu

³⁷ Ut li Yucuaꞌbej li quitaklan chak cue, aꞌan quixchꞌolob ajcuiꞌ lix ya̱lal chicuix usta ma̱ jun sut xerabi chi a̱tinac chi moco queril chanru na-iloc.

San Juan 5:37 ပူးပေါင်းရင်းမြစ်များ

San Juan 8:18

Laa'in nin'aatinak chiwix injunes wib'; jo'kan ajwi' li Yuwa'b'ej li kitaqlank chaq we, na'aatinak chiwix.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

1 Juan 4:20

Wi junaq nayehok: “Laa'in ninra li Yos”, ab'an xik' naril li ras riitz'in, a'an aj tik'ti', xb'aan naq li ink'a' naxra li ras riitz'in li naril ru, moko naru ta tixra li Yos li ink'a' naril ru.

1 Juan 4:12

Li Yos maajun sut ki'ile'k ru xb'aan anihaq. Wi laa'o naqara qib' chiqib'il qib', li Yos wank qik'in chi junelik ut li xrahom tz'aqal re ru qik'in.

San Juan 14:9

Kixye li Jesus re: —Ak junxil nin'ok sa' eeyanq, a Felipe. Ma toj maji' nakanaw wu? Li x'ilok wu, xril ru li Yuwa'b'ej. K'a' put naq nakaye laa'at: «K'ut chiqu li Yuwa'b'ej»?

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Deuteronomio 4:12

Aran li Qaawa' kexraatina chaq toj sa' xyi li xam. Laa'ex kerab'i xyaab' li raatin, ab'an maak'a' keril, ka'ajwi' xyaab' kuxej kerab'i.

Éxodo 20:19

“Aatinan laa'at qik'in ut tatqab'i; ab'an mooraatina li Yos: mare anchal tookamq”, chankeb' re laj Moisés.

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

Isaías 26:10

Us ta taakuymanq xmaak li ink'a' us xna'leb', ab'an ink'a' tixtzol wank sa' tiikilal; toj yooq xb'aanunkil li maa'usilal sa' xyanqeb' li tiikeb' ru xyu'am ut ink'a' tixk'e reetal li xwankilal li Qaawa'.

San Marcos 1:11

Ut kichalk chaq jun xyaab' kuxej sa' choxa, kixye: “Laa'at li walal raarookat inb'aan; aawik'in nasaho'k inch'ool”.

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.

San Juan 5:32

Jalan li nach'olob'ank chiwix, ut laa'in ninnaw naq yaal li naxye chiwix.

1 Juan 5:9

Laa'o naqak'ulub'a li yaal ch'olob'anb'il xb'aaneb' li winq, ab'an q'axal wi' chik wank xwankil li xyehom li Yos li naxch'olob' li yaal chirix li Ralal.