San Juan 5:35 - Q'eqchi Bible

³⁵ Laj Jwan a'an chaq li saqenk lochlo li nakutanob'resink, ut laa'ex xeraj saho'k jun k'amokaq rik'in li xsaqenk.

Li Santil hu

³⁵ Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

San Juan 5:35 ပူးပေါင်းရင်းမြစ်များ

2 Pedro 1:19

Chi jo'kan q'axal chik paab'ajel cho'q qe li raatineb' li propeet. Us teeb'aanu wi teek'e eech'ool chi xk'ulub'ankil jo' nak'ulub'aak junaq saqenk nakutanob'resink sa' junaq na'ajej q'oqyink ru, toj reetal taahik'e'q li kutan ut taayo'laaq li kaq chahim sa' leech'ool.

San Mateo 11:11

Relik chi yaal ninye eere naq maajun reheb' li yo'lajenaq rik'in ixq naxq'ax ru laj Jwan aj kub'sihomha'. Ab'an li q'axal kach'in sa' li xnimajwal wankilal li choxa, a'an nim chik chiru a'an.

San Juan 6:66

Chalen utan naab'aleb' li xtzolom ke'sutq'iik chirixeb' ut ink'a' chik ke'rochb'eeni.

San Lucas 7:28

Ninye eere naq maajun reheb' li yo'lajenaq rik'in ixq naxq'ax ru laj Jwan aj kub'sihomha'. Ab'an li q'axal kach'in sa' li xnimajwal awab'ejihom li Yos, a'an nim chik chiru a'an.

San Marcos 6:20

xb'aan naq laj Herodes naxxiwa ru laj Jwan ut naxkol rix: naxnaw naq a'an jun li winq tiik xch'ool ut sant; naq narab'i chi aatinak, na'ok xk'a'uxl ut nawulak chiru rab'inkil.

San Mateo 21:26

Ab'an wi tqaye naq rik'ineb' li winq, naqaxiwa ruheb' li tenamit xb'aan naq laj Jwan a'an propeet chiruheb' chixjunil”.

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

2 Samuel 21:17

Ab'an laj Abisay, li xyum lix Sarbia, kol'elq chi xtenq'ankil laj David, kixtiq' laj Filistea ut kixkamsi. Toja' naq eb' li winq li wankeb' rochb'een laj David ke'xtz'aama ut ke'relaji naq ink'a' chik taaxik chirixeb' chi yalok, re naq ink'a' taachupq li xsaqenk Israel.

Daniel 12:3

Eb' li wankeb' xna'leb', li ke'k'utuk re li tiikil ch'oolej chiruheb' li k'iila tenamit, te'lemtz'uno'q jo' li saqenk sa' choxa ut jo'kaqeb' li chahim chi junelik.

San Marcos 1:5

Chixjunileb' laj Judea jo'wi' chixjunileb' laj Jerusalén neke'wulak rik'in laj Jwan; neke'xxooto li xmaakeb' ut a'an naxkub'siheb' xha' sa' li nima' Jordán.

Éxodo 34:35

ut eb' laj Israel neke'ril naq nalemtz'unk li xnaq' ru. Chirix chik a'an laj Moisés naxmuq wi' chik li xnaq' ru, tojo' re naq na'ok wi' chik chi raatinankil li Qaawa'.