San Juan 5:23 - Q'eqchi Bible

²³ re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

Li Santil hu

²³ Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

San Juan 5:23 ပူးပေါင်းရင်းမြစ်များ

1 Juan 2:23

Chixjunil li ink'a' nach'olob'ank chirix li K'ajolb'ej, a'in maak'a' li Yuwa'b'ej rik'in; ab'an li nach'olob'ank chirix li K'ajolb'ej, wank li Yuwa'b'ej rik'in.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

2 Juan 1:9

Chixjunil li ink'a' xaqxo sa' li xk'utum li Kriist ut na'elk sa' li xb'ehil, a'an moko wank ta li Yos rik'in. Ani xaqxo sa' li xk'utum, a'an wank li Yuwa'b'ej jo' ajwi' li K'ajolb'ej rik'in.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Hebreos 1:6

Jo'kan ajwi' naq kiroksi chaq li ralal jun chirib'il sa' ruuchich'och', kixye: “Ut chiloq'oniiq xb'aaneb' chixjunil li x'ánjel li Yos”.

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

Romanos 8:9

Ab'anan laa'ex moko wankex ta chik sa' li naraj li tz'ejwalej, sa' b'an li naraj li musiq'ej, xb'aan naq li xMusiq' li Yos wank eerik'in. Ani maak'a' li xMusiq' li Kriist rik'in, a'an moko re ta li Kriist.

1 Corintios 10:31

Jo'kan utan, wi texwa'aq tex'uk'aq malaj k'a'aq chik re ru teeb'aanu, b'aanuhomaq chixjunil re xloq'oninkil ru li Yos.

Romanos 6:22

A'ut anaqwan ach'ab'anb'ilex chik chiru li maak ut oksinb'ilex cho'q aj k'anjel chiru li Yos, yookex chi uuchink cho'q re li santilal; ut li xraqik a'an, a' chik li junelik yu'am.

San Juan 16:14

A'an tixk'e inloq'al xb'aan naq tixk'ul li k'aru we ut tolxye resil eere.

1 Corintios 6:19

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een.

San Mateo 12:21

Ut rik'in a'an xaqxooq royb'enihomeb' li tenamit”.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

2 Corintios 5:19

Li Yos kixk'am wi' chik sa' usilal li ruuchich'och' rik'in, sa' xk'ab'a' li Kriist: ink'a' kixk'e sa' xch'ool li xmaakeb' li tenamit, ut kixq'axtesi qe li aatin chirix li k'amok ib' sa' usilal rik'in.

2 Corintios 1:9

Relik chi yaal naq ak xteneb'aak li kamk sa' qab'een, ab'anan us ajwi' naq xqak'ul chi jo'kan re naq ink'a' xqakawu qach'ool qajunes qib', rik'in b'an li Yos li nawaklesink chi yo'yo eb' li kamenaq.

1 Corintios 1:3

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

San Juan 14:1

“Misachk eech'ool chi k'oxlak. Chepaab' li Yos ut chineepaab' ajwi' laa'in.

San Mateo 10:37

“Li q'axal naxra li xna' malaj li xyuwa' chiwu laa'in, a'an moko xk'ulub' ta wank cho'q intzolom. Ut ani q'axal naxra li ralal xk'ajol chiwu laa'in, a'an moko xk'ulub' ta wank cho'q intzolom.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

2 Corintios 5:14

Xb'aan naq li xrahom li Kriist nareechani li qayu'am. Naqanaw chi tz'aqal naq, wi jun chi winq kikamk sa' xk'ab'a' chixjunileb', jo'kan utan chixjunileb' ke'kamk.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Romanos 15:12

Laj Isaías kixye ajwi': “Taatuxmeq chaq xxe' laj Jesé ut taawakliiq chaq chi awab'ejink sa' xb'eeneb' li tenamit. Rik'in a'an xaqxooq xnimal royb'enihomeb' li poyanam”.

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

San Juan 17:10

Chixjunil li k'aru we, aawe ajwi' laa'at, ut chixjunil li k'aru aawe, we ajwi' laa'in; ut rik'ineb' a'an xnimaak inloq'al.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.

2 Pedro 1:1

Laa'in laj Simón Pedro, xmoos ut x'apóstol li Jesukriist, nintz'iib'ak rik'ineb' li xe'xmaatani li qaloq'laj paab'aal sa' xk'ab'a' li xtiikilal xch'ool li Jesukriist, a'an li qaYos ut aj Kolol qe.

Isaías 45:15

Relik chi yaal naq laa'at li muqmuukil Yos, laa'at li xYos laj Israel, laj Kolonel.

San Mateo 15:8

«Li tenamit a'in rik'in xtz'uumal reheb' nikine'roxloq'i, a'ut li xch'ooleb' najt wank wik'in.