San Juan 4:48 - Q'eqchi Bible

⁴⁸ Kixye li Jesus re: —Wi ink'a' nekeril eetalil ut sachb'ach'oolej, ink'a' nekepaab'.

Li Santil hu

⁴⁸ Li Jesús quixye re li cui̱nk: —La̱ex incꞌaꞌ nequepa̱b nak li Dios quitaklan chak cue cui incꞌaꞌ tincꞌut junak milagro che̱ru retalil nak cuan incuanquil, chan.

San Juan 4:48 ပူးပေါင်းရင်းမြစ်များ

San Juan 20:29

Li Jesus kixye re: —Toj xinaawil naq xapaab'. Us xaq reheb' li maak'a' xe'ril ut xe'xpaab'.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

1 Corintios 1:22

Eb' laj Judiiy neke'xtz'aama xninqal ru eetalil ut eb' laj Griego neke'sik'ok na'leb';

Daniel 4:2

Chi sa sa' inch'ool nawaj xk'eeb'al chenaw li xninqal b'aanuhom ut sachb'ach'oolej xb'aanu we li Nimajwal Yos.

Hechos 2:22

“Ex aj Israel, ab'ihomaq li aatin a'in: Li Jesus aj Nazaret a'an jun li winq xaqab'anb'il xwankil xb'aan li Yos sa' eeyanq rik'in sachb'ach'oolej, xninqal ru b'aanuhom ut eetalil li kixb'aanu li Yos sa' eeyanq sa' xk'ab'a' a'an, jo' nekenaw ajwi' laa'ex.

San Juan 12:37

Us ta naab'al li eetalil kixb'aanu li Jesus chiruheb', ab'an ink'a' ke'xpaab',

2 Corintios 12:12

Li reetalil li tz'aqal apóstol xk'utunk sa' eeyanq: rik'in chixjunil li kuyuk, rik'inatq eetalil, sachb'ach'oolej ut xninqal ru b'aanuhom.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Hechos 14:3

Laj Pablo ut laj Bernabé toj najt chik ke'wank aran, kaweb' xch'ool chi aatinak chirix li Qaawa'; ut A'in naxxaqab' xwankil li k'aru neke'xye chirix li xrahom li Yos rik'in li xninqal ru eetalil ut sachb'ach'oolej naxk'e reheb' chi xb'aanunkil.

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Hechos 2:43

Ut chixjunileb' sachsookeb' xch'ool xb'aan naq eb' li apóstol nalaje'xb'aanu naab'al sachb'ach'oolej ut xninqal ru eetalil.

San Juan 2:18

Toja' naq eb' laj Judiiy ke'chaq'ok: —K'aru li eetalil taak'ut chiqu naq nakab'aanu a'in?

San Lucas 16:31

Kisumeek xb'aan laj Abrahán: «Wi ink'a' neke'rab'i laj Moisés ut eb' li propeet, ink'a' ajwi' taatoch'e'q xch'ooleb', us ta taawakliiq junaq sa' xyanqeb' li kamenaq»”.

Números 14:11

Ut li Qaawa' kixye re laj Moisés: “Jo' najtil chik tinkuy lintz'eqtaanankil xb'aaneb' li tenamit a'in? Jo' najtil chik ink'a' tine'xpaab', us ta naab'aleb' li sachb'ach'oolej inb'aanuhom sa' xyanqeb'?

2 Ts 2:9

Laj q'etol chaq'rab' taachalq rik'in xwankil laj tza naq talaje'wanq xninqal ru b'aanuhom, eetalil ut b'alaq'il sachb'ach'oolej;

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Hechos 6:8

Li Qaawa' wank rik'in laj Esteban ut naxk'e xwankil chi xb'aanunkil xninqal ru eetalil ut sachb'ach'oolej sa' li tenamit.

Hechos 5:12

Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón,

Hechos 4:30

Chak'ut xnimal aawankil re naq chi'uxmanq li k'irtasink, xninqal ru eetalil ut sachb'ach'oolej sa' xk'ab'a' li Jesus, laasantil moos”.

Hechos 2:19

Tinb'aanu sachb'ach'oolej taqe'q sa' choxa ut xninqal ru eetalil taq'a sa' ruuchich'och': kik', xam ut xb'ook sib'.

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

San Lucas 10:18

Kixye li Jesus reheb': —Xwil laj tza chi t'ane'k chaq toj sa' choxa chanchan li raq'kaaq.

San Mateo 27:42

“Jalanatq chik kixkoleb', ut a'an ink'a' naruhank chi xkolb'al rib'! A'an li xreyeb' laj Israel! Kub'eeq chaq anaqwan chiru li krus ut toopaab'anq chiru.

San Mateo 16:1

Eb' laj Pariseey ut eb' laj Saduseey ke'jilok chi xk'atq li Jesus yal re xyalb'al rix, ut ke'relaji ru naq chixk'ut junaq eetalil taachalq sa' choxa.

Daniel 6:27

A'an nakolok ut na'isink sa' rahilal, naxb'aanu xninqal eetalil ut sachb'ach'oolej junsut junrub'el choxa. A'an li xkolok re laj Daniel sa' ruq'eb' li kaqkoj”.

San Juan 4:49

Ut laj k'anjel chiru li awab'ej kixye re: —Qaawa', kub'en chi junpaat, xb'aan naq kamk re linkach'in.