San Juan 3:33 - Q'eqchi Bible

³³ Ani nak'ulub'ank re li xyehom, a'an naxye chi yaal naq paab'ajel li Yos.

Li Santil hu

³³ Abanan li ani naxpa̱b li cꞌaꞌru naxye, riqꞌuin aꞌan naxcꞌut nak naxpa̱b nak tzꞌakal ya̱l li cꞌaꞌru yebil xban li Dios.

San Juan 3:33 ပူးပေါင်းရင်းမြစ်များ

Hebreos 6:17

Li Yos kiraj xk'utb'al chi tz'aqal yaal chiruheb' li te'eechaninq re li xyeechi'om, naq ink'a' taach'inanq xch'ool chirix li k'aru kixk'uub' chaq. Jo'kan naq ki'aatinak rik'in jurament,

Efesios 1:13

Sa' xk'ab'a' A'an laa'ex li xerab'i ut xepaab' li Aatin re li yaal, a' li xChaab'il Esil leekolb'al, xexkaaxtiik ajwi' cho'q reechanihom li Yos, rik'in li Santil Musiq'ej yeechi'inb'il chaq:

2 Corintios 1:22

ut kixk'e qeetalil rik'in li xkaaxt, kixsi qe sa' li qaanm li Musiq'ej jo' reetalil naq tixb'aanu li xyeechi'om.

2 Corintios 1:18

Naxnaw chi us li Yos naq li aatin naqaye eere maawa' xb'enwa “yaal” ut chirix a'an “ink'a'”.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

San Juan 8:26

Naab'al raj naru tinye cherix li tinraqoq wi' aatin, ab'an li kitaqlank chaq we a'an paab'ajel; ut li k'aru kiwab'i chaq rik'in, a'an li ninye re li ruuchich'och'.

Romanos 4:11

laj Abrahán kixk'ul li sirkunsisyon jo' reetalil li xtiikilal xch'ool kixmaatani chaq xb'aan li xpaab'aal naq maji'aq xk'ulum li sirkunsisyon. Chi jo'kan a'an xyuwa' chixjunileb' laj paab'anel ink'a' uxb'ileb' wi' li sirkunsisyon, re naq eb' a'an ajwi' k'eeb'ilaqeb' sa' ajl sa' xyanqeb' li tiikeb' xch'ool.

Romanos 15:28

Akaq xinraqe'k rik'in a'in ut akaq xinq'axtesi sa' ruq'eb' li tenq'aal a'in, toxinnume'q eerik'in naq tinxik España.

1 Corintios 9:2

Wi chiruheb' li junch'ol maawa'in apóstol, ab'an cheru laa'ex relik chi yaal naq laa'in apóstol xb'aan naq laa'ex li reetalil lin'apostolil, sa' xk'ab'a' li Qaawa'.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

1 Juan 1:10

Wi naqaye naq ink'a' xoomaakob'k, naqak'e li Yos cho'q aj tik'ti' ut li Raatin moko wank ta qik'in.