San Juan 21:17 - Q'eqchi Bible

¹⁷ Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

Li Santil hu

¹⁷ Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Juan 21:17 ပူးပေါင်းရင်းမြစ်များ

San Juan 13:38

Kichaq'ok li Jesus ut kixye: —Ma taaq'axtesi laayu'am sa' ink'ab'a'? Relik chi yaal ninye aawe: toj maji'aq nayaab'ak li tzo' kaxlan, akaq xaye ox sut naq ink'a' nakanaw wu.

San Marcos 14:72

Tikto kiyaab'ak xka' sut li tzo' kaxlan. Ut laj Pedro kinaqk sa' xch'ool li kiyehe'k re xb'aan li Jesus: “Toj maji'aq nayaab'ak ka' sutaq li tzo' kaxlan, akaq ox sut xaye naq ink'a' nakanaw wu”. Ut k'ajo' naq kiyot'e'k chi yaab'ak.

San Juan 16:30

Ch'olch'o chiqu anaqwan naq nakanaw chixjunil, ut ink'a' na'ajmank ru naq ani taapatz'oq aawe. Jo'kan naq naqapaab' naq rik'in li Yos katchalk chaq.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

Hechos 15:8

Ut li Yos li nanawok re li junjunq chi ch'oolej kixk'ut chiqu naq naxk'ulub'aheb' ajwi' a'an, xb'aan naq kixk'e reheb' li Santil Musiq'ej, jo' ajwi' naq kixk'e qe laa'o.

San Juan 15:10

Wi nekepaab' linchaq'rab', texkanaaq sa' linrahom jo' naq laa'in xinpaab' xchaq'rab' linYuwa' ut ninkanaak sa' li xrahom.

San Juan 14:15

“Wi nikineera, teepaab' linchaq'rab',

Salmos 17:3

Laa'at xatz'il rix li waanm ut xinaawula'ani chi q'eq; xinaayal sa' xam, ab'an maak'a' maa'usilal xataw wik'in.

2 Pedro 3:1

Ex was wiitz'in raarookex inb'aan, a'in li xkab' inhu nintz'iib'a eerik'in. Sa' li wiib' yookin chi rajsinkil eech'ool xb'aan li tiikil k'a'uxl, rik'in li k'aru ninjultika cheru.

1 Pedro 1:6

Sa' xk'ab'a' a'an k'ajo' xsahil eech'ool, us ta toj texrahob'tesiiq chiru jarub'aq kutan rik'in k'iila paay xyalb'al rix leepaab'aal.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

Hechos 1:24

Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru.

San Juan 18:27

Kitik'ti'ik wi' chik laj Pedro ut kixye naq ink'a'. Tikto kiyaab'ak jun li tzo' kaxlan.

San Juan 18:4

Li Jesus naxnaw chixjunil li ok re chi xk'ulb'al; jo'kan naq kiwulak rik'ineb' ut kixye: —Ani nekesik'?

San Juan 12:8

Xb'aan naq eb' li neb'a' junelik wanqeb' eerik'in, a'ut laa'in moko junelik ta wanqin eerik'in.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Lamentaciones 3:33

Xb'aan naq ink'a' nasaho'k xch'ool chi rahob'tesink, chi moko chi xk'eeb'al eb' li ralal xk'ajol sa' raaxiik'.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

1 Reyes 17:18

Toja' naq li ixq kixye re laj Elías: “K'aru wank we aawik'in, at xtaql li Yos? Ma xatchalk chi xjultikankil linmaak ut xkanab'ankil chi kamk linyum?”.

Josué 22:22

“Li Qaawa', xYos chixjunileb' li yos, naxnaw chi us naq ink'a' xqayiib' li artal a'in yal re xq'etq'etinkil qib' malaj re xtz'eqtaanankil li Yos. A'an naxnaw, ut laa'o naqaj naq chenawaq ajwi' chejunilex laa'ex. Wi relik chi yaal naq xqaq'etq'eti qib' malaj xoomaakob'k chiru li Qaawa', chooxk'ehaq ta chi kamk.

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

2 Samuel 7:20

K'a' chik ru truuq tinye aawe? Laa'at nakanaw wu laa'in aj k'anjel chawu, at Qaawa'.

San Juan 21:18

Relik chi yaal ninye aawe: naq toj saajat chaq, nakab'ak' aasa' aajunes ut nakatb'eek b'ar nakawaj xik. Ab'an naq tattixq, taaye' laawuq' ut jalan chik taab'ak'oq aasa' ut tatxk'am b'arwi' ink'a' taawaj xik.

1 Crónicas 17:18

K'a' chik ru truuq tinye aawe chirix li loq'al ak aak'ehom re laj k'anjel chawu? Laa'at nakanaw wu laa'in aj k'anjel chawu.

San Juan 4:16

Li Jesus kixye re: —Ayu, b'oq chaq laab'eelom ut chalqat wi' chik arin.

Hechos 11:10

Ox sut kik'ulmank a'in, ut sa' xraqik kik'ame'k wi' chik chixjunil sa' choxa.