San Juan 20:31 - Q'eqchi Bible

³¹ A'ut eb' a'in tz'iib'anb'ileb' re naq yooqex chi xpaab'ankil naq li Jesus a'an li Kriist, li Ralal li Yos, ut rik'in xpaab'ankil taawanq eeyu'am sa' xk'ab'a' A'an.

Li Santil hu

³¹ Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

San Juan 20:31 ပူးပေါင်းရင်းမြစ်များ

Hechos 10:43

Li Jesus a'in ke'xch'olob' xyaalal chixjunileb' li propeet: ke'xye naq chixjunil li taapaab'anq re tixk'ul xkuyb'al xsachb'al li xmaak sa' xk'ab'a'.

1 Juan 5:1

Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Juan 4:15

Ani taach'olob'anq re naq li Jesus a'an li Ralal li Yos, li Yos nakanaak rik'in ut a'an nakanaak rik'in li Yos.

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

San Juan 3:18

“Li napaab'ank re li Ralal li Yos, maak'a' tojb'amaak sa' xb'een. A'ut li ink'a' napaab'ank, ak raqb'il aatin sa' xb'een, xb'aan naq ink'a' xpaab' li Ralal li Yos jun chirib'il.

2 Juan 1:9

Chixjunil li ink'a' xaqxo sa' li xk'utum li Kriist ut na'elk sa' li xb'ehil, a'an moko wank ta li Yos rik'in. Ani xaqxo sa' li xk'utum, a'an wank li Yuwa'b'ej jo' ajwi' li K'ajolb'ej rik'in.

San Juan 6:40

Xb'aan naq a'an a'in li rajom linYuwa': naq yalaq ani taaril ru li K'ajolb'ej ut tixpaab', wanq xyu'am chi junelik, ut laa'in tinwaklesi chi yo'yo sa' roso'jikeb' li kutan.

San Juan 19:35

Li ki'ilok re, na'aatinak chirix, ut li naxye, a'an yaal; ut naxnaw naq yaal li naxye, re naq texpaab'anq ajwi' laa'ex.

San Juan 20:28

Kichaq'ok laj Tomás ut kixye: —At inQaawa', at inYos!

San Juan 10:10

“Laj elq' ka'ajwi' elq'ak, kamsink ut sachok naraj naq nachalk. Laa'in xinchalk re naq te'wanq xyu'am ut taawanq chi numtajenaq.

San Juan 5:24

“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am.

San Lucas 1:4

re naq taak'e reetal li xkawilal laatzolb'al aak'ulum chaq.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

San Marcos 16:16

Ani taapaab'anq ut taakub'eeq xha', a'an taakole'q; a'ut li ink'a' taapaab'anq, taateneb'aaq tojb'amaak sa' xb'een.

San Mateo 27:54

Li xjolomileb' laj puub' rochb'eeneb' li yookeb' chi k'aak'alenk re li Jesus, naq ke'reek'a li hiik ut ke'ril li yo chi k'ulmank, k'ajo' naq ke'xiwak: —Relik chi yaal naq li winq a'in Ralal li Yos, chankeb'.

Hechos 9:20

Ut chi junpaat ki'ok chi xpuktesinkil resil li Jesus sa'eb' li ch'utleb'aal kab'l: naxye naq a'an li Ralal li Yos.

Hechos 8:36

Ut naq yookeb' chi xik, ke'wulak sa' jun li na'ajej b'arwi' wank li ha', ut li xnimal ru winq kixye: —Arin wank ha'. K'aru taaramoq chiwu xkub'ik inha'?

Hechos 3:16

Xb'aan xpaab'ankil li Jesus xkawuuk li winq a'in li nekeril ut nekenaw ru: li qapaab'aal sa' xk'ab'a' li Jesus xk'irtasink re chi tz'aqal re ru cheru chejunilex.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

Salmos 2:7

Tinpuktesi li xk'uub'ahom li Qaawa' li kixye we: “Laa'at li walal; anaqwan xatinyoob'tesi.

Apocalipsis 2:18

“Tz'iib'an rik'in li x'ánjel li Iklees li wank Tiatira: «A'in naxye li Ralal li Yos, li wank xsa' li ru kama' raq'xam ut li roq chanchan chaab'il q'anch'iich'.

1 Pedro 1:9

Xb'aan naq nekek'ul xq'ajkamunkil leepaab'aal, a' leekolb'al.

San Mateo 4:3

Toja' naq kijilok laj aalenel chi xk'atq ut kixye re: —Wi laa'at Ralal li Yos, ye naq eb' li pek a'in che'jaltesiiq cho'q wa.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.