San Juan 20:30 - Q'eqchi Bible

³⁰ Toj naab'al chik xninqal ru eetalil kixb'aanu li Jesus chiruheb' li xtzolom, ink'a' tz'iib'anb'ileb' sa' li hu a'in.

Li Santil hu

³⁰ Nabal chic li milagro quixba̱nu li Jesús chiruheb lix tzolom li incꞌaꞌ tzꞌi̱banbil retalil saꞌ li hu aꞌin.

San Juan 20:30 ပူးပေါင်းရင်းမြစ်များ

San Juan 21:25

Toj wank naab'al chik kilajxb'aanu li Jesus. Wi ta te'tz'iib'amanq chi xjunjunqaleb', nink'oxla naq chixjunil li ruuchich'och' moko taatz'aqloq ta cho'q xna'ajeb' li hu te'tz'iib'amanq.

1 Juan 5:13

Xintz'iib'a a'in eerik'in laa'ex li nekexpaab'ank sa' xk'ab'a' li Ralal li Yos, re naq ch'olch'ooq cheru naq wank eejunelik yu'am.

1 Corintios 10:11

Chixjunil a'an kichalk sa' xb'eeneb' jo' loq'laj eetalil, ut kitz'iib'aak re xk'eeb'al qana'leb' laa'o li wanko sa' roso'jikeb' li kutan.

Romanos 15:4

Jo'ch'inal jo'nimal kitz'iib'aak chaq junxil, re qatzolb'al naq kitz'iib'aak chaq, re naq rik'in li xkawub' qach'ool ut li xk'ojob'ankil li qaanm naxk'e li Santil Hu chiwanq xnimal qoyb'enihom chi junelik.

San Juan 2:11

A'in kixb'aanu li Jesus cho'q xtiklajik eb' li eetalil, aran Kanahán, sa' xteepal Galilea: kixk'ut li xnimal xloq'al ut eb' li xtzolom ke'xpaab' A'an.

San Juan 6:2

ut naab'al li tenamit ke'taaqenk re xb'aan naq neke'rilatq li xninqal ru eetalil kilajxb'aanu rik'ineb' li yaj.