San Juan 20:21 - Q'eqchi Bible

²¹ Toja' naq kixye wi' chik li Jesus reheb': —Chiwanq taxaq eerik'in li tuqtuukil usilal. Jo' naq xinxtaqla chaq li Yuwa'b'ej, jo'kan ajwi' naq texintaqla laa'in.

Li Santil hu

²¹ Li Jesús quixye cuiꞌchic reheb: —Chicua̱nk taxak li tuktu̱quil usilal e̱riqꞌuin. Joꞌ nak xinixtakla chak lin Yucuaꞌ la̱in, joꞌcan ajcuiꞌ nak texintakla la̱ex, chan.

San Juan 20:21 ပူးပေါင်းရင်းမြစ်များ

San Juan 13:20

Relik chi yaal ninye eere: ani nak'uluk re li nintaqla laa'in, laa'in nikinxk'ul, ut li nak'uluk we, a' Li kitaqlank chaq we naxk'ul”.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

2 Timoteo 2:2

ut jo'ch'inal jo'nimal li xawab'i wik'in chiruheb' naab'al chi testiiw, a'an ajwi' chaq'axtesi reheb' winq aj paab'anel li te'xnaw moqon xtzolb'al jalaneb' chik.

San Mateo 10:40

“Ani nak'uluk eere, laa'in nikinxk'ul; ut li nak'uluk we, naxk'ul li kitaqlank chaq we.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

Hebreos 3:1

Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal.

San Juan 20:19

Ewu sa' ajwi' li kutan a'an, li xb'een kutan re li xamaan, naq tz'aptz'ookeb' li rokeb'aal li na'ajej b'ar wankeb' wi' li xtzolom xb'aan xxiweb' chiruheb' laj Judiiy, kiwulak li Jesus, kixk'e rib' sa' xyiheb' ut kixye reheb': —Chiwanq taxaq eerik'in li tuqtuukil usilal!

San Lucas 24:36

Yookeb' chi aatinak chirix chixjunil a'in naq xaqaamil li Jesus sa' xyiheb': —Chiwanq taxaq eerik'in li tuqtuukil usilal, chan reheb'.

San Juan 20:22

Ut naq kixye a'in, ki'apunk sa' xb'eeneb' ut kixye reheb': —K'ulumaq li Santil Musiq'ej.

San Juan 20:26

Waqxaqib'aq kutan xnumik a'an, wankeb' wi' chik sa' kab'l eb' li xtzolom ut laj Tomás wank sa' xyanqeb'. Kiwulak li Jesus chi tz'aptz'ookeb' li okeb'aal, kixk'e rib' sa' xyiheb' ut kixye: —Chiwanq taxaq eerik'in li tuqtuukil usilal!

Hechos 1:2

toj sa' li kutan naq kik'ame'k sa' choxa, naq ak kixchaq'rab'iheb', rik'in Santil Musiq'ej, eb' li apóstol sik'b'ileb' ru xb'aan.

3 Juan 1:14

Nawoyb'eni rilb'al aawu chi seeb', ut aran tqaatina qib' chiqib'il qib'.