San Juan 20:17 - Q'eqchi Bible

¹⁷ Li Jesus kixye re: —Minaab'ay, xb'aan naq toj maji' nintaqe'k rik'in li Yuwa'b'ej. Ayu wankeb' wi' li wiitz'in ut ye reheb': «Taqe'k we rik'in linYuwa' ut eeYuwa' ajwi' laa'ex, rik'in linYos ut eeYos ajwi' laa'ex».

Li Santil hu

¹⁷ Li Jesús quixye re: —Mina̱bay. Canabin chi xic. Tento nak tinxic riqꞌuin lin Yucuaꞌ. Ayu ut ye reheb lin herma̱n nak xic cue riqꞌuin lin Yucuaꞌ. Aꞌan ajcuiꞌ le̱ yucuaꞌ la̱ex. Aꞌan lin Dios ut aꞌan ajcuiꞌ le̱ Dios la̱ex, chan li Jesús.

San Juan 20:17 ပူးပေါင်းရင်းမြစ်များ

San Juan 16:28

Kin'elk chaq rik'in li Yuwa'b'ej ut kinchalk sa' ruuchich'och'; anaqwan tinkanab' li ruuchich'och' ut tinsutq'iiq wi' chik rik'in li Yuwa'b'ej”.

1 Pedro 1:3

Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

Gálatas 3:26

Xb'aan naq chejunilex ralal xk'ajolex li Yos sa' xk'ab'a' xpaab'ankil li Kristo Jesus.

San Juan 17:11

“Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Marcos 16:19

Li Qaawa' Jesus, naq ak xraatinaheb', kitaqsiik sa' choxa ut kik'ojlaak sa' xnim uq' li Yos.

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

2 Corintios 6:18

laa'inaq leeyuwa' ut laa'exaq li walal ink'ajol, chan li Qaawa' nim xwankil”.

Romanos 8:29

Xb'aan naq eb' li kixnaweb' ru ut kixraheb' chi junxilaj, kixxaqab'eb' ajwi' chi xjalam'uuchinkil li Ralal, re naq a'anaq asb'ej sa' xyanqeb' xk'ihaleb' li riitz'in.

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

San Mateo 28:7

Ayuqex sa' junpaat chi xyeeb'al reheb' li xtzolom: «Xwakliik chi yo'yo sa' xyanqeb' li kamenaq, ut k'amolb'e cheru toj Galilea; aran toxeeril ru». Chek'e reetal, ak xinye eere.

San Mateo 12:50

Xb'aan naq chixjunil li taab'aanunq re li rajom linchoxahil Yuwa', a'an li wiitz'in, li wanab' ut linna'.

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Hebreos 8:10

A'an a'in li Sumwank li tink'ojob' rik'ineb' li ralal xk'ajol laj Israel moqon, chirixeb' li kutan a'an, chan li Qaawa': Tink'eheb' linchaq'rab' sa' li xk'a'uxeb', ut tintz'iib'a sa' xch'ooleb'. Laa'inaq li xYoseb' ut a'anaqeb' lintenamit.

San Juan 20:27

Chirix chik a'an kixye re laj Tomás: —Jiq chaq arin li ru'uj laawuq' ut il li wuq'. Jiq chaq laawuq' ut ch'ik sa' xk'atq insa', ut maak'e aawib' chi maak'a' aapaab'aal, aj paab'anelaqat b'an.

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

San Juan 14:28

Xerab'i naq xinye eere: «Xik we ut tinchalq wi' chik eerik'in». Wi ta nikineera, nasaho'k raj sa' eech'ool naq tinxik rik'in li Yuwa'b'ej, xb'aan naq li Yuwa'b'ej nim xwankil chiwu.

San Juan 14:2

Sa' rochoch linYuwa' wank naab'al li na'ajej; wi ta ink'a' jo'kan, ink'a' raj xinye eere naq xik we chi xkawresinkil leena'aj.

San Juan 13:3

Naxnaw li Jesus naq k'eeb'il chixjunil sa' ruq' xb'aan li Yuwa'b'ej, rik'in li Yos elenaq chaq ut rik'in li Yos xik re.

San Juan 13:1

Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

San Juan 7:33

Kixye ut li Jesus: —Toj tinwanq chik kach'inaq eerik'in, toja' naq tinxik rik'in li kitaqlank chaq we.

San Lucas 10:4

Meek'am eexalb'ek, chi moko eechampa, chi moko eexaab'; ut maa'ani teek'e xsahil xch'ool sa' b'e.

Ezequiel 37:27

Sa' xyanqeb' taawanq linmuheb'aal; laa'inaq li xYoseb' ut a'anaqeb' lintenamit.

Ezequiel 36:28

Texwanq sa' li ch'och' ink'ehom reheb' leena' leeyuwa'. Laa'exaq lintenamit ut laa'inaq leeYos.

Jeremías 32:38

A'anaqeb' lintenamit ut laa'inaq li xYoseb'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Salmos 89:26

Tinnimob'resi xwankil toj sa' xb'een li Palaw, ut li xnim uq' taawulaq toj sa' xb'eeneb' li Nima'.

2 Reyes 7:9

Toja' naq ke'xye chirib'ileb' rib': “Moko us ta li yooko chi xb'aanunkil. Anaqwan xkutankil li sahil ch'oolej ut laa'o maak'a' naqaye. Wi naqoyb'eni naq toj tsaqewq, taateneb'aaq maak sa' qab'een. Yo'qeb' b'i' chi xyeeb'al li esil a'in sa' rochoch li awab'ej”.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Salmos 48:14

K'ehomaq reetal chanru li tz'ak sutsu wi', cheb'eeni chixjunileb' li xninqal ru ochoch, re naq teepuktesi resil reheb' li maji' yo'lajenaqeb':

Salmos 22:22

Chinaakol taxaq sa' reheb' li kaqkoj; q'axal toq'ob' wu naq wankin sa' xxukub'eb' li josq' aj wakax.

2 Reyes 4:29

Tikto laj Eliseo kixye re laj Kejasí: “Kawresi aawib', k'am linxuq' ut ayu. Wi ani taak'ul sa' b'e, maak'e xsahil xch'ool, ut wi ani taak'ehoq xsahil aach'ool, maachaq'b'e. Ayu ut toxaak'e linxuq' sa' xnaq' ru li ch'ina'al”.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

San Marcos 12:26

Ut chirix li xwaklijikeb' chi yo'yo li kamenaq, ma ink'a' eerilom sa' li xhu laj Moisés li b'arwan xk'ulmank sa' li k'ix, chanru naq li Yos kixye re: «Laa'in li xYos laj Abrahán, li xYos laj Isahak ut li xYos laj Jakob»?