San Juan 20:16 - Q'eqchi Bible

¹⁶ Kixye li Jesus re: —María! A'an kixsutq'isi rib' ut kixye re sa' aatinob'aal hebreo: —Rabbuní! (naraj naxye: “At Tzolonel!”).

Li Santil hu

¹⁶ Li Jesús quixye re: —¡María!— Quixsukꞌisi rib lix María ut quixye saꞌ ra̱tinoba̱l aj hebreo: —Raboni.— (Chi jalbil ru naraj naxye aj tzolonel).

San Juan 20:16 ပူးပေါင်းရင်းမြစ်များ

San Juan 10:3

Laj ilol okeb'aal natehok chiru ut eb' li karneer neke'rab'i li xyaab' xkux; ut a'an naxb'oqeb' li xkarneer rik'in li xk'ab'a'eb' ut narisiheb' chi b'eek.

San Juan 1:38

Li Jesus kixsutq'isi rib' ut kixk'e reetal naq yo xtaaqenkil: —K'aru nekesik'? chan reheb'. Eb' a'an ke'xye re: —Rabbí, b'ar nakathilank? Li aatin “Rabbí” nararaj naxye “At Tzolonel”.

Hechos 10:3

Sa' jun li kutan, sa' oxib' honal tana re ewu, kiril tz'aqal sa' moy u naq jun li x'ánjel li Yos ki'ok sa' rochoch ut kixye re: “At Kornelio!”.

Hechos 9:4

T'anaamil sa' ch'och', kirab'i jun xyaab' kuxej yo chi xyeeb'al: “At Saúl, at Saúl, k'a'ut naq xik' yookat chi wilb'al?”.

San Juan 6:25

Ut naq koxe'xtaw junpak'al li palaw, ke'xye re: —At Tzolonel, jo'q'e xatk'ulunk arin?

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Génesis 22:11

A'ut li x'ánjel li Qaawa' kiraatina chaq toj sa' choxa: “Abrahán, Abrahán!”, chan re. Ut a'an kixye: “We'kin arin”.

San Juan 20:28

Kichaq'ok laj Tomás ut kixye: —At inQaawa', at inYos!

San Juan 13:13

Laa'ex, Tzolonel ut Qaawa' nekeye we, ut yaal nekeye xb'aan naq laa'in ajwi'.

San Juan 11:28

Naq ak xye a'in, koho chi xb'oqb'al lix María, li riitz'in, ut koxye sa' xxik: —Laj Tzolonel wank le'; yo chab'oqb'al.

San Juan 5:2

Aran Jerusalén, chi xk'atq li Rokeb'aaleb' li Karneer, wank jun li tz'akanb'il ha', Betesda xk'ab'a' sa' aatinob'aal hebreo; oob' chi muheb'aal wankeb' chire.

San Juan 3:2

A'an kiwulak rik'in li Jesus chi q'eq ut kixye re: —At Tzolonel, naqanaw naq rik'in li Yos chalenaqat chaq cho'q aj tzolonel, xb'aan naq maa'ani naru chi b'aanunk re li xninqal eetalil nalajaab'aanu laa'at wi maak'a' li Yos rik'in.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

San Lucas 10:41

Kichaq'ok li Qaawa' ut kixye re: —Marta, Marta, nakapoxle aawib' ut yo laak'a'uxl chirix naab'al laak'anjel;

San Mateo 14:27

Ab'anan li Jesus tikto kiraatinaheb' ut kixye: —Kawaq eech'ool: laa'inin! Mexxiwak.

Cantares 5:2

Ak yookin chi wark, ab'an linch'ool aj'ook. Xwab'i xyaab' xkux linrahom yo chi xtoch'b'al li okeb'aal: “Te li okeb'aal chiwu, at inrahom, at xsumwaanm, at inmukuy li maak'a' aamuxul. Xt'aqaak linjolom xb'aan li sujew, yo chi t'uluk li xchu'ke sa' li wismal”.

Cantares 3:4

Toje' ajwi' teb'inkanab', naq xintaw li xrahom li waanm. Xinq'alu ut ink'a' chik tinkanab' chi xik, toj reetal twoksi sa' rochoch linna', toj sa' xwarib'aal li x'alank we.

1 Samuel 3:10

Chirix chik a'an kichalk li Qaawa', kixaqliik ut kib'oqok wi' chik jo'eb' li xb'ensut: “Samuel, Samuel!”, chan. Kichaq'ok laj Samuel ut kixye: “Aatinan, laj k'anjel chawu yo chawab'inkil”.

1 Samuel 3:6

Kib'oqe'k wi' chik laj Samuel xb'aan li Qaawa'. Ut li ch'ina'al kiwakliik, koho rik'in laj Elí ut kixye re: “Wankin arin. K'a' aj e naq xinaab'oq?”. Kichaq'ok laj Elí: “Ink'a' yookin chab'oqb'al, at walal. Ayu wi' chik chi wark”, chan.

Éxodo 33:17

Kichaq'ok li Qaawa' ut kixye re laj Moisés: “Tinb'aanu ajwi' a'in li toja' xapatz' we, xb'aan naq usilal xataw chiwu ut k'ojk'o linch'ool chawix”.

Éxodo 3:4

Naq li Qaawa' kiril laj Moisés naq yo chi nach'ok chi rilb'al, kixb'oq toj sa' xyi li k'ix ut kixye: “Moisés! Moisés!”. Kichaq'ok a'an: “We'kin”, chan.

Génesis 45:12

Anaqwan rik'in leeru yookex chi rilb'al laa'ex jo' ajwi' laj Benjamín, li wiitz'in, naq laa'in tz'aqal li yookin chi aatinak eerik'in.

Génesis 22:1

Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

San Marcos 10:51

—K'aru taawaj tinb'aanu aawe? chu'uxk re xb'aan li Jesus. Kichaq'ok li mutz' ut kixye: —At Tzolonel, chin'iloq ta.