San Juan 19:18 - Q'eqchi Bible

¹⁸ Aran ke'xk'e chiru krus rochb'een wiib' chik winq, jun sa' xnim uq' ut jun sa' xtz'e uq'; ut li Jesus kikanaak sa' xyiheb'.

Li Santil hu

¹⁸ Ut aran queꞌxqꞌue chiru cruz. Ut queꞌxqꞌue cuib chic li cui̱nk chiru cruz rochben. Jun queꞌxqꞌue saꞌ xnim ukꞌ ut li jun chic queꞌxqꞌue saꞌ xtzꞌe. Li cruz li queꞌxqꞌue cuiꞌ li Jesús quicana saꞌ xyi.

San Juan 19:18 ပူးပေါင်းရင်းမြစ်များ

Isaías 53:12

Jo'kan naq tink'e xna'aj sa' xyanqeb' li xninqal ru winq ut tixwotz li sahilal rochb'eeneb' li wankeb' xwankil, xb'aan naq xq'axtesi rib' chi kamsiik ut xk'eemank sa' ajl sa' xyanqeb' laj maak. Relik chi yaal naq xriiqani li xmaak naab'aleb' chi poyanam ut xtijok, x'elajink chirixeb' laj q'etol aatin.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

San Juan 18:32

A'an kik'ulmank re naq chitz'aqloq ru li yeeb'il chaq xb'aan li Jesus, naq kixch'olob' chanru naq taakamq.

San Mateo 27:44

Jo'kan ajwi' eb' laj elq' li ke'k'ehe'k chiru krus rochb'een, yookeb' chi xhob'b'al.

Salmos 22:16

Xchaqik xsa' li we kama' aj chik li teex, li ru'uj waq' xletz rib' sa' linkux; yookat chinkanab'ankil sa' xpojtz'il li kamk.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

San Juan 19:32

Koheb' ut laj puub' ut ke'xtoq xb'aqel li ra' li xb'een, jo'kan ajwi' xb'aqel li ra' li jun chik li kik'ehe'k chiru krus rochb'een.

Hechos 2:23

Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.