San Juan 19:1 - Q'eqchi Bible

¹ Toja' naq laj Pilaat kixtaqla xchapb'al li Jesus re taarape'q chi tz'uum.

Li Santil hu

¹ Laj Pilato quixtakla li Jesús chi saqꞌuecꞌ riqꞌuin tzꞌu̱m.

San Juan 19:1 ပူးပေါင်းရင်းမြစ်များ

Isaías 53:5

Ab'anan xtiq'e' xb'aan li qamaak ut xrahob'tesiik xb'aan li qamaa'usilal. Rik'in li rahob'tesiik kixk'ul, xk'e qe li tuqtuukilal ut rik'in li xtiq'ilal xook'irtasiik laa'o.

San Mateo 20:19

ut te'xq'axtesi sa' ruq'eb' li maawa'eb' aj Judiiy re naq te'reetz'u, te'xrap chi tz'uum ut te'xk'e chiru krus; ab'an sa' rox li kutan taawakliiq chi yo'yo.

Isaías 50:6

Xinkanab' wib' chi sak'e'k, ut xinyeechi'i li xk'atq we naq xine'xmich' chinmach. Ink'a' xinmuq li xnaq' wu naq xine'xpik'a chi ruq'eb' ut xine'xchuub'a.

San Lucas 23:16

Jo'kan naq tink'e chi rahob'tesiik ut twach'ab'.

San Lucas 18:33

ut, akaq xe'xrapi chi tz'uum, te'xkamsi. Ab'an sa' rox li kutan taawakliiq chi yo'yo”.

San Lucas 23:23

A'ut eb' a'an yalyookeb' xq'e chi xpatz'b'al chi kaw xyaab'eb' xkux naq chik'ehe'q chiru krus, ut li xyaab' xkuxeb' yo chi numtaak.

San Mateo 23:34

Jo'kan utan laa'in tintaqlaheb' li propeet eerik'in, eb' laj k'ehol na'leb' ut eb' laj tz'iib': wan teekamsiheb' ut teek'eheb' chiru krus, wankeb' chik teerapeb' chi tz'uum sa'atqeb' leech'utleb'aal kab'l ut teesik'eb' sa' junjunq chi tenamit re xchapb'aleb',

Salmos 129:3

Ke'nume'k sa' inb'een jo' junaq b'ekleb' ch'och', q'axal kine'xtiq' ut numtajenaq li ra kink'ul;

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Hebreos 11:36

wankeb' ke'xkuy eetz'uuk ut rape'k chi tz'uum; ke'xkuy ajwi' b'ak'e'k chi kareen ut tz'alam;

2 Corintios 11:24

Oob' wa xine'xk'e chi tz'uum eb' laj Judiiy: jun chik maa ka'k'aal chi tz'uum xk'ehe'k we.