San Juan 18:36 - Q'eqchi Bible

³⁶ Kichaq'ok li Jesus ut kixye: —Lin'awab'ejihom maawa' re li ruuchich'och' a'in. Wi ta re li ruuchich'och' a'in lin'awab'ejihom, xe'yalok raj eb' laj k'anjel chiwu re naq ink'a' xinq'axtesiik sa' ruq'eb' laj Judiiy; ab'anan lin'awab'ejihom moko aj arin ta.

Li Santil hu

³⁶ Li Jesús quixye re: —Lin cuanquil la̱in ma̱cuaꞌ re saꞌ ruchichꞌochꞌ. Cui ta la̱in tintakla̱nk arin saꞌ ruchichꞌochꞌ, eb li nequeꞌta̱ken cue teꞌpletik raj re incolbal chiruheb li nequeꞌcꞌamoc be chiruheb laj judío. Abanan lin cuanquil la̱in ma̱cuaꞌ re saꞌ ruchichꞌochꞌ, chan.

San Juan 18:36 ပူးပေါင်းရင်းမြစ်များ

Romanos 14:17

Li xnimajwal awab'ejihom li Yos moko wa uk'a' ta, tiikilal b'an, tuqtuukil usilal ut sahil ch'oolej xb'aan li Santil Musiq'ej.

San Juan 6:15

A'ut li Jesus kixk'e reetal naq chalkeb' re chi xk'amb'al re te'xk'e cho'q awab'ej; jo'kan naq ki'elelik wi' chik sa' li tzuul xjunes.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

1 Timoteo 6:13

Nintz'aama usilal chiru li Yos li nak'ehok xyu'am chixjunil li k'a'aq re ru ut chiru li Jesukriist li kixch'olob' chi us xyaalal chiru laj Poncio Pilaat:

San Mateo 26:53

Malaj nakak'oxla naq ink'a' truuq tinpatz' xk'ab'a' linYuwa', ut a'an tixk'e raj chaq we chi junpaat numenaq kab'laju teep chi ánjel?

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

San Lucas 12:14

Kichaq'ok li Jesus ut kixye: —At winq, ani xxaqab'ank we cho'q aj raqol aatin malaj aj jek'onel junkab'lal sa' eeyanq?

San Juan 8:15

Laa'ex nekexraqok aatin jo' naraj li tz'ejwalej; laa'in maa'ani sa' aj b'een ninraqok aatin.

San Juan 18:35

Kisumeek xb'aan laj Pilaat: —Ma laa'in tab'i' aj Judiiy? Laatenamit ut eb' li xb'eenil aj tij xe'q'axtesink aawe sa' wuq'. K'aru xab'aanu?