San Juan 18:33 - Q'eqchi Bible

³³ Ki'ok wi' chik laj Pilaat sa' li raqleb'aal aatin ut kixb'oq li Jesus: —Ma laa'at li xreyeb' laj Judiiy? chan re.

Li Santil hu

³³ Laj Pilato qui-oc cuiꞌchic saꞌ li naꞌajej li narakoc cuiꞌ a̱tin. Quixbok li Jesús riqꞌuin ut quixye re: —¿Ma la̱at lix reyeb laj judío? chan re.

San Juan 18:33 ပူးပေါင်းရင်းမြစ်များ

San Juan 19:12

Chalen utan laj Pilaat yo chi xsik'b'al chan raj ru naq taarach'ab'. A'ut eb' laj Judiiy ke'xjap re chi xyeeb'al: —Wi taawach'ab' a'an, maawa'at ramiiw li awab'ej. Chixjunil li naxk'e rib' cho'q rey, naxtz'eqtaana li awab'ej.

San Juan 19:3

ke'jilok chi xk'atq ut ke'xye re: —Sahaq taxaq sa' aach'ool, at xreyeb' laj Judiiy! Ut ke'xtz'aji chi ruq'eb'.

San Juan 18:37

Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.

San Juan 12:13

jo'kan naq ke'xchap xxaq mokooch ut ke'elk chi xk'ulb'al, japjookeb' re chi xyeeb'al: —Chinimaaq xloq'al li Yos! Usilaatinanb'il taxaq li yo chi chalk sa' xk'ab'a' li Qaawa', a' li xreyeb' laj Israel!

San Marcos 15:2

Ut laj Pilaat kixpatz' re: —Ma laa'at li xreyeb' laj Judiiy? Kixsume: —Yaal li xaye: laa'inin.

San Mateo 27:11

Li Jesus kixaqab'aak chiru li laj Pilaat, ut a'an kixpatz' re: —Ma laa'at li xreyeb' laj Judiiy? Kichaq'ok li Jesus ut kixye: —Yaal li xaye: laa'inin.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

1 Timoteo 6:13

Nintz'aama usilal chiru li Yos li nak'ehok xyu'am chixjunil li k'a'aq re ru ut chiru li Jesukriist li kixch'olob' chi us xyaalal chiru laj Poncio Pilaat:

San Juan 19:9

Ki'ok wi' chik sa' li raqleb'aal aatin ut kixye re li Jesus: —B'ar nakatchalk chaq? Ab'an li Jesus ink'a' kichaq'ok chiru.

San Juan 12:15

“Matxiwak, at xrab'in Sión. Il, we' chaq laaRey k'ojk'o chaq chirix ral jun li b'uur”.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

Sofonías 3:15

Xb'aan naq li Qaawa' xrisi li raqb'a aatin sa' aab'een ut xraanilasiheb' li xik' neke'ilok aawe. Li Qaawa', li x'awab'ej laj Israel, wank aawik'in, ut maajun chik taaxib'esinq aawe.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

San Mateo 27:27

Toja' naq eb' laj puub' aj Roma ke'xk'am li Jesus sa' li xnimal kab'l pretorio xk'ab'a', ut ke'xch'utub' sa' xsutam li Jesus chixjunileb' li jun teep chi aj puub' li wankeb' aran.

San Lucas 23:2

ke'ok chi xjitb'al ut ke'xye: —Xqataw chaq a'in chi xpo'b'aleb' xch'ool li qatenamit. Nokooxq'us chi xk'eeb'al li toj re li awab'ej ut naxyehatq naq a'an li Kriist Rey.

San Juan 18:34

Kichaq'ok li Jesus: —Ma yal sa' aach'ool xchalk li xaye malaj jalan xyehok aawe chiwix?

San Juan 18:38

Laj Pilaat kixye re: —K'aru li yaal? Ut naq kixye a'in, ki'elk wi' chik chirix kab'l wankeb' wi' laj Judiiy ut kixye reheb': —Laa'in maajun xmaak nintaw.

San Juan 19:4

Ki'elk wi' chik laj Pilaat chirix kab'l ut kixye reheb': —Ilomaq, tink'am chaq chirix kab'l re teenaw naq maajun xmaak nintaw.