San Juan 18:25 - Q'eqchi Bible

²⁵ Xaqxo aran laj Simón Pedro chi q'ixink: —Ma ink'a' tab'i' laa'at jun reheb' li xtzolom? chu'uxk re. Ut a'an kitik'ti'ik ut kixye: —Moko laa'in ta.

Li Santil hu

²⁵ Laj Pedro toj xakxo chi kꞌixi̱nc chire xam. Ut queꞌxye cuiꞌchic re: —¿Ma ma̱cuaꞌ ta biꞌ la̱at xcomoneb lix tzolom li cui̱nk aꞌan? Ut laj Pedro quiticꞌtiꞌic ut quixye: —Incꞌaꞌ. Ma̱cuaꞌin.—

San Juan 18:25 ပူးပေါင်းရင်းမြစ်များ

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Génesis 18:15

Kixiwak lix Sara ut kixye: “Ink'a' ninse'ek”. Ab'an li Qaawa' kixye re: “Maaye a'an. Yaal naq xatse'ek”.

San Lucas 22:56

Toja' naq jun li moos ixq ki'ilok re, naq k'ojk'o chire li xam; kixka'ya ut kixye: —A'in ajwi' rochb'een chaq li Jesus.

San Mateo 26:69

Laj Pedro wank chirix kab'l, k'ojk'o chi neb'aal. Toja' naq jun li moos ixq kinach'ok rik'in ut kixye re: —Laa'at ajwi' xat-ochb'eenink chaq re li Jesus, laj Galilea.

San Marcos 14:66

Naq laj Pedro wank taq'a chi neb'aal, kiwulak jun li ixq, xmoos li xyuwa'il aj tij.

San Lucas 22:55

Ke'xtz'ab' xxameb' sa' xyi li neb'aal ut ke'k'ojlaak sa' komonil; kik'ojlaak ajwi' laj Pedro sa' xyanqeb'.

San Lucas 22:57

Ab'an a'an kitik'ti'ik: —At ixq, ink'a' ninnaw ru a'an.