San Juan 17:25 - Q'eqchi Bible

²⁵ “At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

Li Santil hu

²⁵ At inYucuaꞌ, la̱at ti̱c a̱chꞌo̱l. Eb li incꞌaꞌ nequeꞌpa̱ban incꞌaꞌ nequeꞌxnau a̱cuu. Abanan la̱in ninnau a̱cuu ut eb lin tzolom nequeꞌxnau chic nak la̱at xattaklan chak cue.

San Juan 17:25 ပူးပေါင်းရင်းမြစ်များ

San Juan 17:11

“Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

San Juan 15:21

Chixjunil a'in te'xb'aanu eere inb'aan laa'in, xb'aan naq ink'a' neke'xnaw ru li kitaqlank chaq we.

San Juan 7:29

Laa'in ninnaw ru xb'aan naq rik'in ninchalk chaq ut a'an kitaqlank chaq we.

San Juan 16:27

xb'aan naq a' ajwi' li Yuwa'b'ej narahok eere. A'an nekexra laa'ex xb'aan naq nikineera ut kaw nekepaab' naq rik'in li Yos elenaqin chaq.

Hebreos 8:11

Ink'a' chik aajel ru naq junaq tixtij li rech tenamitul malaj li rech'alal rik'in xyeeb'al: «Chanawaq ru li Qaawa'!». Xb'aan naq chixjunileb' te'nawoq wu, jo' kok' jo' ninq.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

San Juan 8:55

us ta ink'a' nekenaw ru. Laa'in yaal naq ninnaw ru, ut wi tinye ta naq ink'a' ninnaw ru, laa'inaq raj aj tik'ti' jo' laa'ex. Ab'anan ninnaw ru ut nink'e inch'ool chirix li raatin.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

1 Corintios 1:21

Li ruuchich'och' rik'in li xna'leb' ink'a' kixnaw ru li Yos sa' li xnimal ru xna'leb'; jo'kan naq li Yos kiraj xkolb'aleb' laj paab'anel rik'in li memil na'leb' naqapuktesi laa'o.

Romanos 3:26

yal re xk'utb'al sa'eb' li kutan a'in li xtiikilal; naraj naxye, a'an tiik xch'ool ut aj tiikob'resihom re li napaab'ank re li Jesus.

Romanos 3:11

Maa'ani wank xna'leb', junaq taxaq li nasik'ok re li Yos.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Hechos 17:23

Naq yookin chi b'eek ut chi xka'yankil li b'arwan nekeloq'oni, xintaw ajwi' jun li artal b'arwi' tz'iib'anb'il: «Re li Yos li ink'a' nawb'il ru». Jo'kan utan, li nekeloq'oni chi ink'a' nekenaw ru, a'an li xinchalk chi xyeeb'al resil eere.

San Juan 17:23

wanqin rik'ineb' ut laa'at wik'in re naq tz'aqalaqeb' re ru sa' li junajil ut chixnaw li ruuchich'och' naq laa'at xattaqlank chaq we ut xaraheb' jo' naq xinaara laa'in.

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

San Juan 17:18

Jo' naq laa'at xinaataqla chaq sa' ruuchich'och', jo'kan ajwi' laa'in xintaqlaheb' sa' ruuchich'och'.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

San Juan 16:30

Ch'olch'o chiqu anaqwan naq nakanaw chixjunil, ut ink'a' na'ajmank ru naq ani taapatz'oq aawe. Jo'kan naq naqapaab' naq rik'in li Yos katchalk chaq.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

San Juan 8:19

Toja' naq ke'xye re: —B'ar wank laaYuwa'? Kichaq'ok li Jesus ut kixye: —Ink'a' nekenaw wu chi moko nekenaw ru linYuwa'; wi ta nekenaw wu, nekenaw raj ajwi' ru linYuwa'.

San Juan 6:19

Ak numenaq tana jun leew xb'eenikeb' chiru ha' naq ke'ril li Jesus yo chi b'eek chiru li palaw, ak taanach'oq chaq rik'in li jukub'. K'ajo' naq ke'xiwak.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Apocalipsis 16:5

Toja' naq kiwab'i li ánjel li wank xwankil sa' xb'eeneb' li ha', kixye: “At qasantil Qaawa', li wankat anaqwan ut li ak wankat chaq, xatraqok aatin sa' tiikilal,