San Juan 17:21 - Q'eqchi Bible

²¹ re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

Li Santil hu

²¹ At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

San Juan 17:21 ပူးပေါင်းရင်းမြစ်များ

1 Corintios 12:12

Jo' naq li tz'ejwalej junaj chirib'il ut wank naab'al li xcha'al, ut chixjunileb' li xcha'alil a'an us ta naab'aleb', ab'an jun ajwi' chi tz'ejwalej naq wankeb', jo'kan ajwi' li Kriist.

San Juan 17:11

“Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

Filipenses 1:27

Ka'ajwi' a'in nawaj: naq wanqex taxaq sa' xyaalal jo' xk'ulub' li xChaab'il Esil li Kriist. Chi jo'kan, us ta tinxik cherilb'al us ta maa'anihaqin, twab'i eeresil naq kaw xaqxooqex sa' jun chi musiq'ej, ut wotz yooqex chi xyalb'al eeq'e chirix xpaab'ankil li Chaab'il Esilal,

San Juan 13:35

Rik'in a'in chixjunileb' te'nawoq re naq laa'ex intzolom: wi nekera eerib' cherib'il eerib'”.

Hechos 4:32

Li xk'ihaleb' laj paab'anel junajeb' li xch'ool, junajeb' li raanm naq wankeb' chirib'ileb' rib'. Maa'ani naxye naq re li k'aru wank re, chixjunil b'an komon e cho'q reheb'.

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

San Juan 10:38

Ab'anan, wi ninb'aanu, us ta ink'a' nikineepaab' laa'in, paab'omaq li k'anjel ninb'aanu. Chi jo'kan teek'e reetal ut teenaw chi junajwa naq li Yuwa'b'ej wank wik'in ut laa'in wankin rik'in li Yuwa'b'ej.

San Juan 10:30

Laa'in ut li Yuwa'b'ej juno ajwi' chiqib'il qib'.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

1 Corintios 1:10

Ex was wiitz'in, nintz'aama cheru sa' xk'ab'a' li Qaawa' Jesukriist naq junajaq ru leeraatin, maak'a'aq li jachok ib' sa' eeyanq, wanqex b'an sa' junajil rik'in leek'a'uxl ut leena'leb'.

Romanos 12:5

jo'kano ajwi' laa'o: naab'alo, ab'an juno ajwi' chi tz'ejwalej rik'in li Kriist, ut chiqajunilo qacha'al qib' chiqib'il qib'.

Jeremías 32:39

Tink'e naq junaj aj chik li xch'ooleb' ut li xyu'ameb' chi xloq'oninkil wu chi junelik, re naq sa wanqeb' a'an ut eb' li ralal xk'ajoleb' li te'wanq moqon.

1 Juan 5:7

Xb'aan naq oxib'eb' li testiiw:

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

Sofonías 3:9

“Naq taawulaq li kutan a'an, tink'e naq eb' li poyanam chaab'il aatin chik te'xye, re naq chixjunileb' te'xyaab'a xk'ab'a' li Qaawa' ut te'k'anjelaq chiru chi junajaq xch'ooleb'.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

San Juan 17:18

Jo' naq laa'at xinaataqla chaq sa' ruuchich'och', jo'kan ajwi' laa'in xintaqlaheb' sa' ruuchich'och'.

San Juan 11:42

Ak ninnaw laa'in naq junelik nikinaawab'i, ab'anan xinye a'in xb'aaneb' li tenamit neke'sutuk we, re naq te'xpaab' naq laa'at kattaqlank chaq we.

San Juan 17:20

“Moko ka'aj ta wi' chirixeb' a'in nintijok, nintijok aj b'an wi' chirixeb' li te'paab'anq we sa' xk'ab'a' li raatineb' a'an,

1 Corintios 6:17

Ut li naxlaq'ab' rib' rik'in li Qaawa', jun aj chik chi musiq'ej nakanaak rik'in.

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

San Marcos 3:24

Wi junaq tenamit jachjooq chirib'il rib', ink'a' truuq taakanaaq chi xaqxo li tenamit a'an.

San Juan 13:32

Wi li Yos xnimaak xloq'al rik'in li K'ajolb'ej, jo'kan ajwi' li Yos tixnima xloq'al li K'ajolb'ej rik'in, ut tixnima chi junpaat.