San Juan 17:20 - Q'eqchi Bible

²⁰ “Moko ka'aj ta wi' chirixeb' a'in nintijok, nintijok aj b'an wi' chirixeb' li te'paab'anq we sa' xk'ab'a' li raatineb' a'an,

Li Santil hu

²⁰ Ma̱cuaꞌ caꞌaj cuiꞌ chirixeb lin tzolom yo̱quin chi tzꞌa̱ma̱nc cha̱cuu. Yo̱quin aj ban cuiꞌ chi tzꞌa̱ma̱nc cha̱cuu chirixeb li teꞌpa̱ba̱nk mokon nak teꞌxchꞌolob lix ya̱lal chiruheb.

San Juan 17:20 ပူးပေါင်းရင်းမြစ်များ

Hechos 2:41

Toja' naq eb' li ke'xk'ul li raatin laj Pedro sa' xch'ooleb' ke'kub'siik xha', ut sa' li kutan a'an oxib' mil tana ke'ok sa' xyanqeb' laj paab'anel.

Hechos 4:4

Ab'anan naab'aleb' li ke'ab'ink re li Aatin, ke'xpaab', ut kitamk li komonil: oob' mil tana li xk'ihaleb' li winq.

Efesios 4:11

Ut A'an wan ajwi' kixxaqab'eb' cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel.

Romanos 16:26

ab'anan k'utb'esinb'il chik anaqwan xb'aan li xtz'iib'ahomeb' li propeet sa' li Santil Hu, jo' x'alaak sa' xch'ool li junelik Yos. Li tz'aptz'ookil na'leb' a'in k'eeb'il chik chi nawe'k xb'aaneb' chixjunil li tenamit re naq te'ab'inq ut te'paab'anq.

2 Timoteo 1:2

nintz'iib'ak aawik'in, a Timoteo inraarookil alal. Li usilal, li uxtaanal ut li tuqtuukilal li nachalk rik'in li Yos Yuwa'b'ej ut rik'in li Kristo Jesus, li Qaawa', chiwanq taxaq aawik'in.

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.