San Juan 16:33 - Q'eqchi Bible

³³ Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Li Santil hu

³³ Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

San Juan 16:33 ပူးပေါင်းရင်းမြစ်များ

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

1 Juan 5:4

xb'aan naq chixjunil li yo'lajenaq rik'in li Yos naxq'ax ru li ruuchich'och'. Ut a'an a'in li xq'axmank wi' ru li ruuchich'och': a' li qapaab'aal.

2 Ts 3:16

A' taxaq li xQaawa' li tuqtuukil usilal chik'ehoq eere li tuqtuukilal chi junelik ut sa' chixjunil. Chiwanq taxaq li Qaawa' eerik'in chejunilex.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

Filipenses 4:7

Ut li tuqtuukil usilal li nachalk rik'in li Yos ut naxq'ax ru chixjunil li na'leb', tixk'uula leech'ool ut leek'a'uxl rik'in li Kristo Jesus.

1 Pedro 5:9

Cheramaq chiru ut kawaq eech'ool sa' leepaab'aal, rik'in xnawb'al naq leeras eeriitz'in li wankatqeb' sa' ruuchich'och', a' ajwi' li rahilal a'in yookeb' chi xkuyb'al.

San Juan 14:1

“Misachk eech'ool chi k'oxlak. Chepaab' li Yos ut chineepaab' ajwi' laa'in.

2 Timoteo 3:12

Jo'kan ajwi' chixjunileb' li te'raj paab'ank chi chaab'il sa' xk'ab'a' li Kristo Jesus, te'rahob'tesiiq.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

Hebreos 11:25

a' chik li rahob'tesiik rochb'een li xtenamit li Yos kiraj chiru li wank sa' xsahil li maak li sa' junpaat nanume'k.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

1 Ts 3:7

Jo'kan utan, ex qas qiitz'in, sa' chixjunil li raaxiik' ut li qarahilal, xqak'ul xk'ojob'ankil qach'ool eeb'aan sa' xk'ab'a' leepaab'aal.

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.

Colosenses 1:20

Sa' xk'ab'a' li Kriist ut cho'q re A'an, li Yos kiraj xk'amb'al wi' chik sa' rusilal chixjunil li k'a'aq re ru, rik'in xk'eeb'al sa' tuqtuukilal chixjunil li wank sa' ruuchich'och' ut sa' choxa, sa' xk'ab'a' li xkik'el hoyb'il chiru krus.

2 Corintios 1:3

Usilaatinanb'ilaq taxaq li Yos ut xYuwa' li Qaawa' Jesukriist, xb'aan naq a'an li Yuwa'b'ej aj uxtaan ut li Yos q'axal aj k'ojob'anel ch'oolej.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

1 Ts 3:4

Naq toj wanko chaq sa' eeyanq, xqaye resil eere naq took'uluq rahilal, ut a'an tz'aqal li xk'ulmank, jo' ch'olch'o cheru.

Gálatas 6:14

A'ut laa'in maajaruj tinnimob'resi wib' injunes, wi ta ink'a' sa' xk'ab'a' li xkrus li Qaawa' Jesukriist. Sa' xk'ab'a' a'an, li ruuchich'och' nakanaak chi tz'eqtaananb'il cho'q we, jo' li k'eeb'il chiru krus; ut jo'kan ajwi' laa'in cho'q re li ruuchich'och'.

2 Corintios 7:4

Ninye eere li yaal ut q'axal ninnima wu sa' eek'ab'a' laa'ex. K'ojk'o inch'ool ut numtajenaq xsahil li waanm sa' chixjunil li rahilal.

Hechos 27:25

Jo'kan utan, ex wamiiw, kawaq eech'ool! Sa' xk'ab'a' li Yos laa'in ninpaab' naq taak'ulmanq tz'aqal jo' yeeb'il chaq we.

Miqueas 5:5

A'anaq li qatuqtuukilal. Naq eb' laj Asiria tole'xchap li qatenamit ut te'ok sa' li qana'aj, tqataqla sa' xb'eeneb' wuqub' aj jolominel ut waqxaqib'eb' ninqeb' xwankil.

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

Hechos 27:22

A'ut anaqwan nintz'aama cheru naq kawaq eech'ool: maajun sa' eeyanq taasachq, ka'ajwi' li jukub'.

San Lucas 19:38

Ke'xye: —Usilaatinanb'il li Rey li xchalk sa' xk'ab'a' li Qaawa'! Tuqtuukil usilal sa' choxa ut xnimal loq'al toj taqe'q!

Hechos 23:11

Sa' li q'oqyink jun chik, li Qaawa' kixk'ut rib' chiru ut kixye re: “Kawu aach'ool! Xach'olob' li yaal chiwix Jerusalén; jo'kanaqat ajwi' aran Roma”.

Hebreos 7:2

A'an kik'uluk li xlajeetqil chixjunil sa' ruq' laj Abrahán. Li xk'ab'a' naraj naxye xb'enwa: “awab'ej re li tiikilal”; jo' ajwi' “awab'ej re Salem” (naraj naxye: “awab'ej re li tuqtuukilal”).

San Juan 16:11

chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

San Mateo 9:2

Tikto ke'xk'am chaq rik'in li Jesus jun li sik, yokyo sa' xch'aat. Ut naq kiril li xpaab'aaleb', kixye re li sik: —Kawaq aach'ool, at walal, kuyb'il sachb'il chik laamaak.

2 Corintios 2:14

B'anyox re li Yos naq sa' xk'ab'a' li Kriist junelik nokooxk'e chi tz'aqonk sa' li x'awab'ejihom ut naxk'e chi nawe'k li Kriist sa' qak'ab'a' laa'o: a'an chanchan xb'ook li sununkil b'an naxik yalaq b'ar.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

2 Corintios 6:4

Chixjunil li naqab'aanu, naxk'ut naq laa'o aj k'anjelo chiru li Yos: q'axal naqakuy li rahob'tesiik, li raasa, li ch'a'ajkilal,

1 Juan 2:13

Nintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Nintz'iib'ak eerik'in, ex saaj al, xb'aan naq xeq'ax ru li maa'us.

Jueces 3:2

Ke'kanab'aak xb'aan li Qaawa' re naq jo'k'ihaleb' laj Israel maji' rilomeb' li yalok, te'xtzol rib' chi yalok.