San Juan 16:21 - Q'eqchi Bible

²¹ Li ixq naq ok re chi alank, ra sa' xch'ool xb'aan naq xwulak xhonalil; ab'anan naq ak xwank li xk'uula'al, ink'a' chik najultiko'k re li xnimal xrahilal xb'aan xsahojik sa' xch'ool naq xyo'laak jun li winq sa' ruuchich'och'.

Li Santil hu

²¹ Junak ixk yoꞌla̱c re lix cꞌulaꞌal narecꞌa xrahil lix raylal. Abanan nak ac xyoꞌla lix cꞌulaꞌal, nasach saꞌ xchꞌo̱l li raylal li quixcꞌul ut nasahoꞌ saꞌ xchꞌo̱l xban nak ac xyoꞌla lix cꞌulaꞌal.

San Juan 16:21 ပူးပေါင်းရင်းမြစ်များ

Salmos 113:9

Naq wank junaq ixq li maak'a' xkok'al, naxk'e xjunkab'al ut eb' li ralal xk'ajol, jo' na'b'ej li k'ajo' xsahil sa' xch'ool. Aleluya!

Isaías 13:8

Q'axal te'siksotq xb'aaneb' xxiw, te'ayaynaq ut te'eek'anq jo' junaq ixq ok re chi alank. Yal te'xka'yahatq aj chik rib' ut kaqmoqinkaqeb' xb'aaneb' xxutaan.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Miqueas 4:10

Yaab'an ut chimayoq aach'ool, at Sión, jo'qat li ixq yo chi alank, xb'aan naq anaqwan tento tat-elq sa' li tenamit ut tatq'axonq sa' li k'aleb'aal. Tatwulaq toj Babilonia, ab'an aran tatkole'q, xb'aan naq li Qaawa' taa'isinq aawe sa' ruq'eb' li xik' neke'ilok aawe.

Gálatas 4:27

xb'aan naq naxye li Santil Hu: “Chisaho'q sa' aach'ool, at ixq li ink'a' nakat-alank, li maak'a'eb' aawalal aak'ajol. Jap aawe xb'aan xnimal xsahil aach'ool laa'at li ink'a' nakanaw xrahil alank, xb'aan naq q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Génesis 3:16

Li Qaawa' Yos kixye re li ixq: “Naab'al li rahilal tinteneb' sa' aab'een jar wa wanqat sa' yu'am, ut rik'in rahilal tat-alanq. Ab'an taawataw ru laab'eelom ut a'an taataqlanq sa' aab'een”.

Isaías 21:3

Jo'kan naq naxiwak xsa' linsa', nachalje'k inrahilal jo' li ixq ok re chi alank, nasachk inna'leb' xb'aan xrahil linch'ool ut k'ajo' naq ninxiwak xb'aan li nawil.

Isaías 66:7

“Jerusalén x'alank naq toj maak'a' xrahilal; xwank jun xk'uula'al teelom naq toj maji' xq'ehil.

Miqueas 4:9

Ut anaqwan, k'a'ut naq japjo aawe, jo'kat li ixq yo chi alank? Ma yal xb'aan naq maak'a' li awab'ej, malaj xb'aan naq xe'kamk eb' laj k'ehol aana'leb'?

Li xHu LAJ JOB 11:16

Taatz'eq chirix aach'ool laarahilal, kama' li ha' nanume'k rub'el li q'a.