San Juan 16:20 - Q'eqchi Bible

²⁰ Relik chi yaal ninye eere: texhuyhutq chi yaab'ak ut li ruuchich'och' taasaho'q sa' xch'ool. Laa'ex taarahoq leech'ool, ab'an li xrahil eech'ool taasutq'iiq cho'q sahil ch'oolej.

Li Santil hu

²⁰ Relic chi ya̱l ninye e̱re nak eb li incꞌaꞌ nequeꞌpa̱ban cue ta̱sahokꞌ saꞌ xchꞌo̱leb nak tincꞌul li raylal. La̱ex ta̱yotꞌekꞌ e̱chꞌo̱l ut texya̱bak nak tincꞌul chi joꞌcan. Ta̱rahokꞌ saꞌ e̱chꞌo̱l, abanan mokon ta̱sahokꞌ cuiꞌchic saꞌ e̱chꞌo̱l nak te̱ril cuiꞌchic cuu.

San Juan 16:20 ပူးပေါင်းရင်းမြစ်များ

Santiago 1:2

Ex was wiitz'in, chek'ehaq cho'q xnimal xsahil eech'ool li k'iila paay chi yale'k sutsuuqex wi'.

San Mateo 5:4

Us xaq reheb' li neke'yaab'ak, xb'aan naq li Yos taak'ojob'anq xch'ooleb'.

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.

San Marcos 16:10

A'an koho ut koxye resil reheb' li ke'ochb'eenink re li Jesus: eb' a'an yookeb' chi yaab'ak ut raheb' sa' xch'ool.

Jeremías 31:25

Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

San Lucas 24:21

Sa' qach'ool laa'o naq a'an raj taakoloq re li tenamit Israel. Ut chirix chixjunil a'in, anaqwan ak oxib' kutan chik xk'ulb'al a'an.

Salmos 30:11

Chinaawab'i, at Qaawa', chawuxtaana wu! Laa'at taxaq, at Qaawa', laj tenq'ahom we!

Salmos 30:5

B'ichahomaq cho'q re li Qaawa' laa'ex li nekexpaab'ank re; chenima li xk'ab'a' xb'aan naq k'ajo' xsantilal!

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Romanos 5:11

Ut moko ka'aj ta wi' rik'in a'an, naqanima aj b'an wi' qib' rik'in li Yos sa' xk'ab'a' li Qaawa' Jesukriist li xqataw wi' li usilal anaqwan.

San Lucas 24:17

Li Jesus kixpatz' reheb': —K'aru chi aj ix yookex chi seeraq'ik sa' leeb'eenik? Ke'xaqliik chi raheb' sa' xch'ool,

San Lucas 23:27

Naab'aleb' li tenamit te'taaqenq re li Jesus ut naab'aleb' li ixq neke'xten re li xch'ooleb' ut neke'huyhutk chi yaab'ak chirix.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Apocalipsis 11:10

Toja' naq eb' li wankeb' sa' ruuchich'och' te'ninq'ehiq sa' xk'ab'a'eb' a'an, te'saho'q xch'ool ut te'sihinq chirib'ileb' rib' xb'aan naq eb' li wiib' chi propeet a'in ke'xrahob'tesiheb' li wankatqeb' sa' ruuchich'och'.

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

San Juan 16:6

Rik'in naq xinye a'in eere, k'ajo' naq xraho'k eech'ool.

San Lucas 22:62

Ut ki'elk chirix kab'l: k'ajo' naq kiyot'e'k chi yaab'ak.

San Lucas 22:45

Sa' xraqik chi tijok kixaqliik li Jesus, koho wankeb' wi' li xtzolom ut kixtaweb' chi wark xb'aan xrahilaleb' xch'ool;

San Lucas 6:21

“Us xaq eere li nekextz'okaak anaqwan, xb'aan naq texnujob'resiiq moqon. “Us xaq eere li nekexyaab'ak anaqwan, xb'aan naq texse'eq moqon.

San Marcos 14:72

Tikto kiyaab'ak xka' sut li tzo' kaxlan. Ut laj Pedro kinaqk sa' xch'ool li kiyehe'k re xb'aan li Jesus: “Toj maji'aq nayaab'ak ka' sutaq li tzo' kaxlan, akaq ox sut xaye naq ink'a' nakanaw wu”. Ut k'ajo' naq kiyot'e'k chi yaab'ak.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Salmos 97:11

A'an naxtaqla chaq li saqenk ut li sahil ch'oolej cho'q reheb' li tiikeb' xch'ool ut neke'wank sa' xyaalal.

Li xHu LAJ JOB 20:5

Chalen naq li winq kiyoob'tesiik xb'aan li Yos, junpaat ajwi' xsahilal li ink'a' us xna'leb'.

1 Ts 1:6

Laa'ex xek'am eere qik'in ut rik'in li Qaawa', ut xek'ulub'a li Loq'laj Aatin sa' xyanqeb' li k'iila rahilal chi sa sa' leech'ool xb'aan li Santil Musiq'ej.

San Juan 20:20

Ut naq kixye a'in, kixk'uteb' li ruq' ut li xk'atq xsa' chiruheb'. Ke'saho'k sa' xch'ool eb' li xtzolom naq ke'ril ru li Qaawa'.

San Mateo 21:38

Ab'an eb' laj k'alom, naq ke'ril li alalb'ej, ke'xye chirib'ileb' rib': «A'an a'in li taa'eechaninq re li ch'och'. Kimqex, qakamsiiq ut qeechanihaq li xch'och'».