San Juan 15:27 - Q'eqchi Bible

²⁷ Ut laa'ex ajwi' teeye li yaal chiwix, xb'aan naq wankex wik'in chalen chaq sa' xtiklajik.

Li Santil hu

²⁷ Ut la̱ex te̱chꞌolob ajcuiꞌ lix ya̱lal chicuix xban nak la̱ex cuanquex cuiqꞌuin chalen nak xintiquib lin cꞌanjel arin saꞌ ruchichꞌochꞌ.

San Juan 15:27 ပူးပေါင်းရင်းမြစ်များ

1 Juan 4:14

Laa'o qilom ut naqach'olob' xyaalal naq li Yuwa'b'ej kixtaqla chaq li Ralal cho'q aj Kolol re li ruuchich'och'.

San Juan 21:24

A'an a'in li tzolom li ki'aatinak chirix chixjunil a'in, ut kixtz'iib'a ajwi'. Ut laa'o naqanaw naq tz'aqal yaal li xch'olob'ahom.

San Lucas 24:48

Laa'ex ak xeril li xtz'aqlojik ru chixjunil a'in.

Hechos 23:11

Sa' li q'oqyink jun chik, li Qaawa' kixk'ut rib' chiru ut kixye re: “Kawu aach'ool! Xach'olob' li yaal chiwix Jerusalén; jo'kanaqat ajwi' aran Roma”.

1 Pedro 5:12

Laj Silvano xinxtenq'a chi xtz'iib'ankil li wib' oxib' chi aatin a'in; laa'in nink'oxla naq a'an jun was wiitz'in tiik xch'ool. Xintz'iib'ak eerik'in re xk'eeb'al eena'leb' jo' ajwi' re xch'olob'ankil cheru naq relik chi yaal naq a'an tz'aqal li xrahom li Yos. K'ehomaq eech'ool chi wank sa' li xrahom chi junelik.

1 Pedro 5:1

Nintz'aama chiruheb' laj k'amol b'e li wankeb' sa' eeyanq, laa'in aj k'amol b'ehin ajwi' jo'eb' a'an ut tz'aqal wilom li rahilal kixk'ul li Kriist, laa'in li xintz'aqonk sa' li nimla loq'al taak'utb'esimanq chi seeb':

Hechos 4:20

Laa'o ink'a' naru tqakanab' aatinak chirix li qilom ut qab'ihom.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

Apocalipsis 1:2

ut a'in naxye naq tz'aqal yaal chixjunil li xyehom li Yos ut li kixk'utb'esi li Jesukriist: a'an a'in chixjunil li k'aru kiril.

Hechos 18:5

Naq ke'chalk chaq Macedonia laj Silas ut laj Timoteo, laj Pablo junes chirix li Aatin kixk'e xch'ool, ut naxch'olob' chiruheb' laj Judiiy naq li Jesus a'an li Kriist.

Hechos 13:31

ut chiru naab'al kutan kixk'ut rib' chiruheb' li ke'ochb'eenink chaq re naq ki'elk chaq Galilea ut kitaqe'k Jerusalén. Ut anaqwan a'aneb' chik laj yehol re li yaal chirix li Jesus chiruheb' li tenamit.

Hechos 4:33

Ut eb' li apóstol neke'xpuktesi resil li xwaklijik chi yo'yo li Qaawa' Jesus rik'in xnimal wankil, ut q'axal sa ilb'ileb' chixjunileb'.

San Juan 19:35

Li ki'ilok re, na'aatinak chirix, ut li naxye, a'an yaal; ut naxnaw naq yaal li naxye, re naq texpaab'anq ajwi' laa'ex.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

San Marcos 1:1

Xtiklajik li xChaab'il Esil li Jesus, li Kriist, Ralal li Yos.