San Juan 15:22 - Q'eqchi Bible

²² “Wi ta ink'a' xink'ulunk ut ink'a' ta xwaatinaheb', maak'a'eb' raj xmaak; a'ut anaqwan maak'a' k'aru te'xkol wi' rib' sa' li xmaakeb'.

Li Santil hu

²² Ma̱cꞌaꞌeb raj xma̱c cui ta la̱in incꞌaꞌ xincꞌulun ut cui ta incꞌaꞌ xinye reheb lix ya̱lal. Abanan ma̱cꞌaꞌ cꞌaꞌru teꞌxcol cuiꞌ ribeb xban nak cuanqueb xma̱c.

San Juan 15:22 ပူးပေါင်းရင်းမြစ်များ

San Juan 9:41

Kixye li Jesus reheb': —Wi ta mutz'ex, maak'a' raj eemaak; ab'anan nekeye: «Nokoo'ilok»; jo'kan naq leemaak toj wank sa' eeb'een.

Santiago 4:17

Ani naxnaw xb'aanunkil li us ut ink'a' naxb'aanu, a'an wank xmaak.

Hechos 17:30

Anaqwan li Yos xtz'eq chirix xch'ool eb' li kutan xe'numje'k, naq eb' li tenamit xe'wank sa' xmajelal xna'leb'eb', ut naxye resil naq yalaq b'ar tento naq chixjunileb' te'xyot' xch'ool te'xjal xk'a'uxl.

Romanos 1:20

Chalen chaq sa' xk'ojlajik li ruuchich'och' li k'a'aq re ru ink'a' ilb'il ru re li Yos, a' li xjunelik wankil ut li xYosilal, nak'utunk chiruheb' li neke'k'oxlak chirixeb' li xb'aanuhom. Jo'kan naq maak'a' k'aru te'xkol wi' rib',

San Juan 12:48

Ani natz'eqtaanank we ut ink'a' naxk'ulub'an eb' li waatin, wank ani taaraqoq aatin sa' xb'een: li Aatin xinye, a'an li taaraqoq aatin sa' xb'een sa' roso'jikeb' li kutan.

1 Pedro 2:16

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

Romanos 2:1

Jo'kan utan, maak'a' k'aru taakol wi' aawib', at winq li nakatraqok aatin sa' xb'een laawas aawiitz'in, a' yaal anihat. Naq nakatraqok aatin chirix anihaq, rahilal nakab'oq chaq sa' aab'een, xb'aan naq nakatraqok aatin ut toj yookat ajwi' chi xb'aanunkil li maak a'an.

San Lucas 12:46

taak'ulunq laj eechal re li moosej a'an sa' li kutan ink'a' wi' naxyo'oni ut sa' li honal maak'a' wi' sa' xch'ool, taarisi ut tixk'e xna'aj sa' xyanqeb' laj q'etol aatin.

Ezequiel 2:5

Ut a' yaal reheb' ma tate'xpaab' malaj ink'a', xb'aan naq jwal q'etq'eteb', te'xnaw naq wank jun propeet sa' xyanqeb'.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

San Juan 15:23

Ani xik' na'ilok we, xik' ajwi' naril linYuwa'.

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

San Juan 16:9

chirix li maak xb'aan naq ink'a' nikine'xpaab';