San Juan 15:2 - Q'eqchi Bible

² Chixjunil li ruq' li ink'a' na'uuchink wik'in, narisi; ut chixjunil li na'uuchink, naxsaab'esi ru re naq numtajenaq chik taaruuchin.

Li Santil hu

² Li ani incꞌaꞌ naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li na-isi̱c xban nak incꞌaꞌ nau̱chin. Abanan li ani naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li nau̱chin. Ut li na-iloc re naxsabesi re nak tixqꞌue nabal li ru.

San Juan 15:2 ပူးပေါင်းရင်းမြစ်များ

San Mateo 3:10

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam.

San Mateo 15:13

Li Jesus kixsumeheb': —Chixjunil li awimq ink'a' awb'il xb'aan linchoxahil Yuwa' taamich'manq.

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

San Juan 15:8

Rik'in a'in naxk'ul xloq'al linYuwa', naq q'axal chi'uuchinq leepaab'aal ut laa'exaq tz'aqal intzolom.

San Mateo 13:12

Xb'aan naq ani wank k'aru re, ruk' chik taak'eemanq re ut taa'ela'anq chiru; ut ani maak'a' wank re, a' ajwi' li k'aru wank re taamaq'manq chiru.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

San Mateo 21:19

Kiril jun toon chi iig wank chire b'e: kinach'ok rik'in, ab'anan junes xaq kixtaw. Toja' naq kixye re: —Mat-uuchink chik chi junajwa. Ut chi junpaat kichaqik li xche'el li iig.

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.

Malaquías 3:3

Taak'ojlaaq chi puuxink ut chi ch'ajob'resink. Tixch'ajob'resiheb' li ralal xk'ajol laj Leví ut tixpuuxiheb' jo' na'uxk re li oor ut li plaat; ut tz'aqal a'anaqeb' chik li te'mayejaq chiru li Qaawa' sa' tiikilal.

1 Juan 2:19

Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

1 Corintios 13:1

Us ta ninnaw raatinob'aaleb' li winq ut eb' li ánjel, ab'anan wi ink'a' ninrahok, chanchanin jun li ch'iich' natzintzotk malaj junaq wajb' natzanb'ak xyaab'.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

San Juan 17:12

Naq toj wankin rik'ineb', rik'in xwankil laak'ab'a' xwileb' chaq li xak'eheb' we. Laa'in xink'aak'alenk reheb' ut maajun xsachk chiwu, ka'ajwi' li ak teneb'anb'il sa' xb'een li sachk, re naq chitz'aqloq ru li Santil Hu.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

San Mateo 13:33

Jun chik li jaljookil ru aatin kixye reheb': “Li xnimajwal wankilal li choxa chanchan kach'in xyu li kaxlan wa. Jun li ixq kichapok re ut koxk'e sa' jun aroow chi k'aj, toj reetal kisipook chixjunil”.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Salmos 92:14

awb'ileb' chire rochoch li Qaawa', neke'atz'umak chiru xneb'aalil rochoch li qaYos.

Daniel 11:35

Wankeb' aj k'ehol xna'leb' li tenamit te'kamsiiq, ab'an yal re xyalb'aleb' rix li junch'ol chik, re xch'ajob'resinkil xna'leb'eb' ut xsaab'esinkileb' li xkomon, toj sa' roso'jikeb' li kutan li ak xaqxo xb'aan li Qaawa'.

San Mateo 7:19

Chixjunil li che' ink'a' us li ru naxk'e, taayok'manq ut taakutmanq sa' xam.

San Mateo 25:29

Xb'aan naq yalaq ani wank k'aru re, taak'eemanq xkomon re ut taa'ela'anq chiru; a'ut li maak'a' wank re, a' ajwi' li k'aru re taamaq'manq chiru.

San Marcos 4:20

Ut eb' li neke'xk'ul li iyaj sa' chaab'il ch'och', a'aneb' li neke'ab'ink re li Aatin, neke'xk'ulub'an xch'ool ut neke'uuchink: wan naxk'e lajeeb' xka'k'aal, wan oxk'aal ut wan chik o'k'aal li junjunq chi iyaj”.

San Juan 15:1

“Laa'in li tz'aqal xtoonal li uub' ut linYuwa' a'an laj saab'esinel.

San Juan 15:3

Laa'ex ak saab'esinb'ilex xb'aan li aatin xinye eere.

San Juan 15:6

Ani ink'a' nakanaak wik'in taa'isiiq jo' li ruq' che', ut taachaqiq. Ut te'xxok, te'xkut sa' xam ut taak'atmanq.

Romanos 11:17

Wi wankeb' li ruq' ke'q'ete'k, ut laa'at li yal k'iche'il olivo kattz'ejwaliik sa' xyanqeb' li ruq' ut kat-ok chi tz'aqonk rik'in li xxe' ut li xya'al li tz'aqal olivo,

Romanos 11:22

K'e reetal naq chaab'il li Yos, ab'anan kaw ajwi' na'aatinak. Kaw na'aatinak rik'ineb' li ke't'ane'k, ab'an k'ajo' xchaab'ilal aawik'in wi junelik wanqat sa' li xchaab'ilal. Wi ink'a' jo'kan, tat-isiiq ajwi' laa'at.